- Eyjafréttir
- ·
- Fréttir
- ·
Vel heppnuð fimleikasýning
Ritstjórn
Hin árlega vorsýning Fimleikafélagsins Ránar fór fram í dag og var vel sótt.
Þema sýningarinnar í ár var Barbie og setti það skemmtilegan svip á viðburðinn. Nemendur frá 1. bekk og upp úr sýndu afrakstur vetrarins með fjölbreyttum og glæsilegum atriðum sem endurspegluðu þá vinnu og æfingar sem lagðar hafa verið í starfið síðustu mánuði.
Foreldrar voru fengnir til að taka þátt í sýningunni á einum tímapunkti, sem vakti mikla kátínu meðal gesta og bætti skemmtilegum blæ við dagskrána.
Sýningin tókst afar vel og var greinilegt að mikil vinna hefur verið lögð í undirbúning hennar, bæði af hálfu iðkenda og þjálfara.
Myndir: Óskar Pétur Friðriksson.
