Vestmannaey og Bergey landa í Neskaupstað eftir erfiðar veiðiferðir
Eyjarnar 20250826 081915
Landað úr Vestmannaey VE. Á bakvið hana er Bergey VE. Eyjafréttir/Eyjar.net: TMS

Vestmannaey VE og Bergey VE landa samtals um 123 tonnum í Neskaupstað í dag. Birtingur NK landar einnig í heimahöfn og er afli togaranna þriggja samtals um 168 tonn. Þetta kemur fram á vef Síldarvinnslunnar.

Öll skipin hófu veiðar á austurmiðum en þurftu að færa sig suður fyrir land vegna brælu. Þau sneru aftur austur þegar veðrið gekk niður og luku veiðiferðinni þar.

Helmingur túrsins fór í siglingu

Vestmannaey kom að landi með um 60 tonn, að mestu þorsk. Egill Guðni Guðnason skipstjóri segir að aðeins tveir dagar hafi verið þokkalegir til veiða hvað veður varðaði og að helmingur túrsins hafi farið í siglingu. Skipið hóf og lauk veiðum á Gerpisflakinu en veiddi einnig við Ingólfshöfða og í Breiðamerkurdýpi.

Afli Bergeyjar var um 63 tonn. Ragnar Waage Pálmason skipstjóri segir að veðrið hafi tekið sinn toll. „Svona túrar eru dálítið þreytandi en þetta fylgir þessum árstíma,“ segir hann í frétt Síldarvinnslunnar.

Ýsan lætur bíða eftir sér

Birtingur landar 45 tonnum, að mestu þorski. Einar Ólafur Ágústsson skipstjóri segir að helmingur túrsins hafi farið í siglingar milli miða og að lítið hafi fengist við Ingólfshöfða.

„Reyndir menn sögðu að ýsan kæmi þegar færi að grána í fjöll en hún lætur enn bíða eftir sér,“ segir Einar Ólafur.

Nýjustu fréttir

Vestmannaey og Bergey landa í Neskaupstað eftir erfiðar veiðiferðir
Ísfélagið veiddi tæp 18.000 tonn af norsk-íslenskri síld
Fiskur fjórum sinnum í viku á Breka VE
Styrktarsjóður Landakirkju veitir aðstoð fyrir jólin
Fjölgun brota endurspegli aukið ofbeldi
Eyjakonur mæta Stjörnunni í bikarslag í kvöld
Heimir og Írar fara í umspil í Þjóðadeildinni
Átján framúrskarandi fyrirtæki í Eyjum
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.