Viðgerðir á rafmótor Herjólfs IV eru á áætlun, samkvæmt upplýsingum frá Vegagerðinni. Gert er ráð fyrir að mótorinn verði sendur með skipi frá Hollandi 13. júlí.

Þegar mótorinn berst til landsins verður hann settur í Herjólf. Að uppsetningu lokinni er gert ráð fyrir að ferjan taki aftur upp hefðbundnar siglingar með fullu afli.

Í tilkynningu Vegagerðarinnar kemur jafnframt fram að ferjan Baldur, sem hefur sinnt hluta af siglingum milli Vestmannaeyja og Landeyjahafnar undanfarna mánuði, muni snúa aftur til siglinga á Breiðafirði þegar uppsetningu mótorsins er lokið.