Viðunandi rekstrarafkoma VSV
Fámennasti aðalfundi Vinnslustöðvarinnar frá stofnun félagsins árið 1946! Fjærst hægra megin borðs er Sigurgeir B. Kristgeirsson framkvæmdastjóri, þá Guðmundur Örn Gunnarsson stjórnarformaður og Andrea Atladóttir fjármálastjóri. Fjærst vinstra megin er Arnar Sigurmundsson fundarstjóri, þá Haraldur Gíslason og Þór Vilhjálmsson. Þeir tveir hinir síðastnefndu fóru með umboð fjölmargra annarra hluthafa á aðalfundinum. Á tjaldinu sjást nokkrir þeirra sem voru fjarri vettvangi. Þrátt fyrir fámennið í salnum var þátttakan með því besta sem gerst hefur þegar litið er til samanlagðs heildarhlutfalls eignarhalds hluthafa sem sóttu fundinn í eigin persónu og rafrænt eða veittu öðrum umboð sitt til aðalfundarstarfa.

Rekstur Vinnslustöðvarinnar hf. skilaði 800 milljóna króna rekstrarhagnaði (5,4 milljónum evra) á árinu 2020 á meðalgengi þess árs. Það er liðlega 40% minni hagnaður en á fyrra ári.

Framlegð samstæðunnar (EBITDA) nam 2,3 milljörðum króna (14,9 milljónum evra) og dróst saman um 29%.

Þetta kom fram á aðalfundi  VSV í Vestmannaeyjum á fimmtudaginn var, 25. mars. Tilhögun fundarins var í samræmi við hertar sóttvarnir og samkomutakmarkanir.  Einungis átta manns voru á vettvangi í Eyjum en aðrir hluthafar tóku þátt í fundarstörfum í gegnum fjarfundarbúnað.

Guðmundur Örn Gunnarsson, stjórnarformaður félagsins, orðaði það svo í skýrslu stjórnar að rekstrarafkoman 2020 væri viðunandi í ljósi aðstæðna:

„Útkoman er viss varnarsigur á tímum þegar margt var mótdrægt og óvenjulega snúið við að eiga. Markmiðið var að halda sjó og það tókst.“

Engin loðna var veidd í fyrra og humarveiðar brugðust sömuleiðis. Mest áhrif á reksturinn hafði samt veirufaraldurinn heima og heiman. Veitingahús og mötuneyti voru lengst af lokuð á hefðbundnum markaðssvæðum, atvinnuleysi jókst þar og miklar efnahagsþrengingar með fallandi kaupmætti almennings settu víða strik í reikninginn.

Mikil saltfisksala en lækkandi verð

Vinnslustöðin eignaðist saltfiskframleiðslufyrirtækið Grupeixe í Portúgal á árinu 2019. Árið 2020 var því fyrsta heila almanaksár rekstrarins. Saltfisksala VSV jókst mikið á Portúgalsmarkaði en verðið lækkaði umtalsvert sem rekja má beint til áhrifa og afleiðinga veirufaraldursins. Stjórnarformaðurinn vék að þessu í skýrslu stjórnar og sagði:

„Við fylgjum Portúgölum í niðursveiflunni og þrengingum þeirra í fullvissu um að þegar efnahagslíf þeirra nái sér á strik á ný muni samfélag þeirra hrökkva í fyrri skorður og saltfiskverðið hækka. Portúgalir gleyma því nefnilega ekki, þótt á móti blási í augnablikinu, hverjir framleiða og selja besta saltfiskinn sem þeim býðst.“

Arðgreiðslur

Aðalfundur Vinnslustöðvarinnar samþykkti að greiða hluthöfum 5 milljón evrur í arð, jafnvirði um 750 milljóna króna. Stjórn félagins var jafnframt heimilað að lækka arðinn í 3 milljón evrur þegar  hann verður greiddur út í október ef aðstæður þykja kalla á slíkt.

Á súluritinu sjást arðgreiðslur sem hlutfall af markaðsvirði hlutafjár félagsins frá 2003 til 2021. Þetta hlutfall nú er 2,4%.

Óbreytt stjórn

Stjórn Vinnslustöðvarinnar var endurkjörin og varastjórn sömuleiðis.

Í aðalstjórn eru Einar Þór Sverrisson, Guðmunda Áslaug Bjarnadóttir, Guðmundur Örn Gunnarsson, Rut Haraldsdóttir og Sigurjón Rúnar Rafnsson.

Í varastjórn eru Eyjólfur Guðjónsson, Herdís Ásu Sæmundardóttir og Sigurhanna Friðþórsdóttir.

 Myndirnar þar fyrir neðan voru teknar daginn fyrr aðalfund. Þá mættu nokkrir hluthafar í Vinnslustöðina og skoðuðu glæsilega viðbyggingu sem tekin var í notkun á dögunum. Þar er skrifstofuhald félagsins, matsalur, búningsklefar og nýr aðalinngangur.

 

Nýjustu fréttir

Íþróttir
Valur kemur til Eyja eftir viðburðaríka viku
Goslok
Goslok: dagskrá laugardags
Úr blaði Eyjafrétta
Hvað vita börnin um eldgosið á Heimaey: Kristian Örn
Myndband
Blíðskaparveður og líf um allan bæ á Goslokahátíð
Fréttir
Vinnslustöðin, Huginn og VÍS sýknuð í vatnslagnarmálinu – uppfært
Áhugavert
Fjölbreytt dagskrá fyrir alla fjölskylduna
Stjórnmál
Eyjalistinn gagnrýnir að hafa ekki verið boðaður til fundar með forsætisráðherra
Fréttatilkynning
Vinnupása skilaði vinning
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.