Vilja Herjólf III í siglingar á Breiðafirði

Þungi er sett­ur í sam­göngu­mál í álykt­un­um þings Fjórðungs­sam­bands Vest­fjarða sem haldið var á Ísaf­irði um helg­ina. Sveit­ar­stjórn­ar­menn vestra telja mik­il­vægt að fá nýja ferju til sigl­inga yfir Breiðafjörð í stað þess Bald­urs sem nú er í út­gerð. Nú­ver­andi ferja anni ekki eft­ir­spurn og ör­yggi farþega sé ekki tryggt.

Að mati Fjórðungs­sam­bands­ins verður ekki unað við þá ákvörðun Vega­gerðar­inn­ar að fram­lengja gild­andi samn­ing við Sæ­ferðir – jafn­vel fram til vors 2023 – um að nú­ver­andi ferja verði áfram notuð til sigl­inga yfir fjörðinn. Skýr krafa sveit­ar­fé­laga á Vest­fjörðum sé að út­búa gamla Herjólf svo að skipið geti lagst að bryggju í Flat­ey á Breiðafirði og á Brjáns­læk – og verði notaður í Breiðafjarðarferðir uns ný ferja fæst. Gamli Herjólf­ur hef­ur síðastliðin tvö ár verið bund­inn við bryggju í Eyj­um og er til þrauta­vara fyr­ir ferj­una sem kom 2019.

Ferj­an er grunnstoð

Fyr­ir­séð þykir að nú þegar Dýra­fjarðargöng eru til­bú­in og unnið er að vega­gerð á Dynj­and­is­heiði muni um­ferð um sunn­an­verða Vest­f­irði aukast. Í því efni eru ferj­an Bald­ur og sigl­ing­ar henn­ar að mati Fjórðungsþings grunnstoð í sam­göngu­mál­um Vest­f­irðinga. Þau verði líka að skoðast í sam­hengi við at­vinnu­hætti.

Til­greind er í álykt­un­um þörf á vega­bót­um og jarðganga­gerð auk þess sem Vega­gerðin þurfi að efla vetr­arþjón­ustu. Lok­an­ir vega vegna veðurs og nú­ver­andi skipu­lag vetr­arþjón­ustu sé hindr­un. Fisk­eldið vestra skili millj­örðum króna í verðmæti í þjóðarbúið. Inn­an fimm ára megi reikna með að árs­fram­leiðsla í sjókvía­eldi á svæðinu verði yfir 50 þúsund tonn, helm­ingi meiri en nú. Flutn­ing­ar afurða og aðfanga muni því enn aukast. Viðhald og end­ur­bæt­ur vega­kerf­is­ins þurfi að taka mið af því.

Nýjustu fréttir

Íþróttir
Valur kemur til Eyja eftir viðburðaríka viku
Goslok
Goslok: dagskrá laugardags
Úr blaði Eyjafrétta
Hvað vita börnin um eldgosið á Heimaey: Kristian Örn
Myndband
Blíðskaparveður og líf um allan bæ á Goslokahátíð
Fréttir
Vinnslustöðin, Huginn og VÍS sýknuð í vatnslagnarmálinu – uppfært
Áhugavert
Fjölbreytt dagskrá fyrir alla fjölskylduna
Stjórnmál
Eyjalistinn gagnrýnir að hafa ekki verið boðaður til fundar með forsætisráðherra
Fréttatilkynning
Vinnupása skilaði vinning
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.