Fulltrúi Eimskips átti ekki möguleika á að mæta á borgarafund um sam­göngur í síðustu viku en í ávarpi sem Gylfi Sigfússon, forstjóri félagsins, sendi fundinum sagði hann Eimskip hafa lagt mikinn metnað í þjónustu Herjólfs þó alltaf megi gera betur. „Ég veit að fundurinn er ekki að fjalla um þjónustu Eimskips heldur þá sjálfsögðu kröfu að samgöngur milli lands og Eyja komist í ásættanlegt horf. Ég vona að fundurinn verði málefnalegur og aðilar snúi bökum saman til að leysa málin til framtíðar á farsælan hátt,“ sagði Gylfi sem er bjartsýnn á sumarið.