Hvert óveðrið á fætur öðru hefur gengið yfir landið undanfarna daga með tilheyrandi erfiðleikum í sam­göng­um vegna snjóa og ófærðar. Sjó­menn hafa fengið að finna fyrir veðrinu. Bergey VE frá Vestmannaeyjum var dregin stjórnvana til Eskifjarðar aðfaranótt þriðjudags en skipið fékk veiðarfæri í skrúfuna á mánudag. Vestmannaey VE tók Bergey í tog og ferðin gekk vel þrátt fyrir mikið hvassviðri í mynni Reyðarfjarðar en þá fór vindhraði í 50 metra í mestu hviðum.