Vinnslustöðin - Einstakri loðnuvertíð lokið

„Í þessum töluðu orðum eru síðustu loðnuhrognin í frystitækjunum okkar. Þegar hrognin eru komin á sinn geymslustað lýkur loðnuvertíð sem telst einstæð fyrir margra hluta sakir,“ sagði Sigurgeir B. Kristgeirsson, framkvæmdastjóri Vinnslustöðvarinnar, síðdegis í gær (21. mars).

Hann stiklaði á stóru um það sem gerir nýafstaðna vertíð sérstaka og velheppnaða.

„Við frystum alls um 9.000 tonn af loðnu og loðnuhrognum, margfalt meira en gera mátti ráð fyrir í fyrstu.

Í upphafi bjuggum við okkur nefnilega undir vertíð í tveimur stuttum lotum, annars vegar í loðnufrystingu, hins vegar í hrognafrystingu.

Aflaheimildirnar okkar voru fyrst um  15.000 tonn en enduðu í tæplega 40.000 tonnum.

Reyndin varð sú að veðrið lék við okkur á miðunum og veiðarnar gengu skínandi vel. Hrognafrysting fylgdi loðnufrystingu fast eftir svo úr varð sleitulaus törn í landvinnslunni. Unnið var samfellt á vöktum dag og nótt frá 15. febrúar þar til nú, 21. mars. Svona nokkuð höfum við aldrei upplifað áður.

Ég á engin orð til að lýsa þakklæti í garð starfsfólks okkar og þrautseigju þess til sjós og lands. Vinnuálagið var gríðarlegt í vertíðartörn sem á sér enga hliðstæðu í fyrirtækinu. Starfsfólkið stóð sig frábærlega og gott betur en það.

Uppsjávarvinnslan kallaði eðlilega á meiri mannskap en við sáum fyrir. Þess vegna urðum við að færa fólk þangað úr saltfiskinum og draga tímabundið úr saltfiskframleiðslu. Nú hrekkur sá þáttur starfseminnar í fyrra horf.

Loðna og loðnuafurðir fara sem fyrr aðallega á markaði í Asíuríkjum, einkum til Japans. Aflabrestir og sveiflur í loðnuveiðum á undanförnum árum hafa samt haft áhrif í Japan líkt og gera mátti ráð fyrir en aðrir markaðir í Asíu sótt í sig veðrið á sama tíma.

Þegar við lítum okkur nær í heiminum er Rússlandsmarkaður auðvitað lokaður. Hins vegar flytjum við ögn af loðnuafurðum til Úkraínu þrátt fyrir stríðsástandið. Úkraínumenn kaupa lítið í einu enda ekki spenntir fyrir því að safna birgðum í frystigeymslur af augljósum ástæðum. Reyndar er alveg ótrúlegt að skynja hvernig reynt er að halda samfélaginu í Úkraínu gangandi á stórstyrjaldartímum og verjast um leið linnulausum sprengjuárásum og hvers kyns ógnunum af hálfu rússneska innrásarliðsins.“

  • Myndin er tekin í hrognavinnslunni 2021 og heiðursmaðurinn við tromlurnar er Robert Szczepan Daszkiewicz.

Nýjustu fréttir

Fréttir
Innviðaráðherra og forstjóri Vegagerðarinnar heimsóttu borstæði Eyjaganga
Samgöngur
Tólf ferðir á dag til og frá Eyjum frá 8. júní – uppfært
Aðsend grein
Högum okkur
Herjólfur
Herjólfur frestar 8 ferða áætlun 
Fréttir
Karlakór Vestmannaeyja með vortónleika
Áhugavert
Eyjagöng: Borað yfir 120 metra á rúmri viku
Aðsend grein
Nei, það er ekki glæpur
Fréttatilkynning
Nethamar hætt starfsemi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.