- Eyjafréttir
- ·
- Fréttir
- ·
Vinnslustöðin kaupir nýjan togara
Vinnslustöðin hf. hefur samið við skipasmíðastöð í Rongcheng í Kína um að smíða togara sem hannaður er af verkfræðistofunni Skipasýn. Skipið verður afhent 2016 og kostar um 1.500 milljónir króna en skipinu er ætlað að leysa togarann Jón Vídalín VE af hólmi, sem er 42 ára gamall. �?etta kemur fram í fréttatilkynningu sem Vinnslustöðin sendi frá sér í dag.
�??Nýi togarinn verður um 50 metra langur og 13 metra breiður. Með sérstakri hönnun skrokks og óvenju stórri skrúfu, miðað við stærð skipsins, verður skipið 60% aflmeira en Jón Vídalín án þess að olíunotkun aukist að sama skapi. Skipið verður búið þremur rafdrifnum togvindum og getur dregið tvær botnvörpur samtímis. Tæknibúnaður verður allur eins og best verður á kosið og aðbúnaður áhafnar í samræmi við nútímakröfur.�??
Í tilkynningunni kemur jafnframt fram að eigendur og starfsmenn Vinnslustöðvarinnar og Hraðfrystihússins Gunnvarar í Hnífsdal hafi starfað saman allt frá árinu 2010 að undirbúningi nýsmíða eins togara fyrir hvort fyrirtæki. Fengin hafi verið tilboð frá skipasmíðastöðvum í Danmörku, Kína, Noreg, Póllandi og Tyrklandi. Í framhaldinu var gengið frá samningum við kínverska fyrirtækið um smíði togaranna tveggja.
