VSV býður á ball
Söngvarinn Dagur Sigurðsson með Gosunum á sviði. Myndin er tekin á árshátíð VSV í fyrra.

Árshátíð Vinnslustöðvarinnar fer fram í Höllinni næstkomandi laugardag. Venju samkvæmt endar árshátíðin með dansleik þar sem Gosar, Jónsi, Dagur og Una halda uppi stuðinu. Vinnslustöðin býður öllum bæjarbúum og gestum í Vestmannaeyjum á ballið.

Á vefsíðu Vinnslustöðvarinnar segir að undirbúningur fyrir árshátíðina gangi vel. Helena Björk Þorsteinsdóttir, sem hefur veg og vanda að skipulagningu hátíðarinnar, segir að starfsfólk sé spennt fyrir kvöldinu og að stemningin sé góð.

Spennandi og krefjandi verkefni

„Við erum orðin nokkuð sjóuð í þessu og þekkjum tímalínuna á þeim verkum sem við þurfum að klára. Þetta er allt að smella hjá okkur,“ segir Helena. Hún bætir við að það sé alltaf bæði spennandi og krefjandi að skipuleggja svona stóran viðburð. „Maður vill reyna að gera eins vel og maður getur og að það sem boðið er upp á höfði til sem flestra. Við erum heppin með allt þetta frábæra fólk sem gerir þessa árshátíð að veruleika með okkur.“

Í ár verða nokkrar nýjungar á dagskránni. „Aðalrétturinn verður ekki borinn á borð heldur verður steikarhlaðborð ala Einsi Kaldi. Við byrjuðum líka í fyrra með fordrykk upp á Háalofti fyrir alla gesti og það heppnaðist svo vel að við ætlum að endurtaka það núna,“ segir hún.

Starfsfólkið taki gleði og samveru með sér heim eftir kvöldið

Skemmtikraftarnir Sveppi og Pétur munu stýra veisluhöldunum og tónlistaratriðin eru í höndum Jónsa, Dags og Unu Eyjakonu, auk Eyjapeyjanna í Gosum sem spila undir dansleik. „Það sem hefur verið mest stressandi þau ár sem ég hef komið að skipulagningu er hvert Herjólfur siglir, því það þarf jú að koma skemmtikröftunum til Eyja og þau eru stór partur í að kvöldið verði sem skemmtilegast. En sem betur fer hefur það alltaf bjargast,“ segir Helena.

Aðspurð hvað geri árshátíð Vinnslustöðvarinnar sérstaka segir Helena: „Fyrir mína parta er það samveran með öllum. Vinnslustöðin er stór vinnustaður með þó nokkrar starfsstöðvar. Þetta kvöld gefst öllum tækifæri á að hittast og eiga gott kvöld saman.“

Helena vonast til að starfsfólkið taki gleði og samveru með sér heim eftir kvöldið. „Ég vona að allir geti átt gott kvöld og að gleðin verði við völd.“

Nýjustu fréttir

Íþróttir
Þriðji sigur ÍBV í röð kom gegn Stjörnunni
Fólkið
Bergmál á Þingvöllum sló í gegn
Íþróttir
Mikilvæg stig í húfi þegar Stjarnan kemur til Eyja
Áhugavert
MAST, Fiskistofa og Verðlagsstofa skiptaverðs sameinuð
Aðsend grein
Það þarf meira en hús til að reka skóla
Fréttir
Grjótleit komin á fullt á Haugasvæðinu
Úr blaði Eyjafrétta
Vigga og Guðni hafa heimsótt 86 lönd og eru hvergi nærri hætt
Myndband
Sólhlíð, Áshamar og Stakkagerðistún
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.