Day: 11. ágúst, 2007

Kallað eftir stórskipahöfn í Þorlákshöfn

Bæjaryfirvöld í Ölfusi hafa ritað forsætisráðherra bréf þar sem skorað er á ríkisstjórnin að byggja stórskipahöfn í Þorlákshöfn í stað Bakkafjöruhafnar, sem yrði hvorki fugl né fiskur. Stórskipahöfn í Þorlákshöfn myndi koma öllum sunnlenskum fyrirtækjum til góða og er nauðsynleg aðstaða fyrir væntanleg stórfyrirtæki í Þorlákshöfn. . „Markmiðið með bréfinu var að vekja athygli á […]

Ályktun Vinstri grænna um samgöngur milli lands og Eyja

Stjórnir Vinstrihreyfingarinnar- græns framboðs í Vestmannaeyjum og kjördæmisráðs Suðurkjördæmis telja að samgöngur við Vestmannaeyjar séu komnar í mikið óefni. Þar sem samgöngur eru ein mikilvægasta forsenda fyrir búsetu og framfarir í Vestmannaeyjum verður ríkisvaldið nú þegar að grípa til ráðstafana til þess að koma samgöngum í það horf að fullnægjandi sé. Vinstri græn líta svo […]

Óþrifnaður á hjallasvæðinu suður á eyju.

Að ganga suður á eyju og njóta þess fallega útsýnis sem þar er í boði er með því fallegra sem gerist. En þegar gengið er inn á svæðið þar sem fiskihjallarnir eru suður á eyju þá minnkar fegurðin snarlega. Fýlan og draslið er algjörlega til skammar og þegar komið er að hamrinum úr frá hjöllunum […]

Hemmi og Gunnar Heiðar blogga um boltann

Í tilefni af því að 365 er að hefja sýningar á enska boltanum hefur fréttavefurinn Vísir.is farið af stað með bloggsíður nokkurra landsliðsmanna í knattspyrnu en frá þessu segir á fréttavefnum. Meðal þeirra sem munu blogga eru Hermann Hreiðarsson, sem leikur með Portsmouth í ensku úrvalsdeildinni og Gunnar Heiðar Þorvaldsson, sem leikur með Hannover í […]

Nýtt eintak af íþróttablaðinu Sport

Í dag kom út nýtt eintak af íþróttablaðinu Sport sem fylgt hefur Fréttablaðinu mánaðarlega frá því í febrúar. Að þessu sinni er blaðið, sem er 24 síður, helgað enska boltanum. Meðal efnis er stórt viðtal við Hermann Hreiðarsson, leikmann Portsmouth, viðtal við Dean Ashton, framherja West Ham, Eggert Magnússon og stjórnarformann West Ham, Andy Gray, […]

Leysir eigin samgönguvandamál með þyrlu

Magnús Kristinsson, útgerðarmaður, kom í dag til Vestmannaeyja á nýjum farkosti, þyrlu sem hann keypti í Bandaríkjunum. Segist hann með því vera að leysa eigin samgöngumál þar sem pólitíkin hefi brugðist í þeim efnum. Þyrlan er bandarísk, af gerðinni Bell 430 smíðuð 1999 og á að baki um 1100 flugtíma. Flughraði er 144 mílur, eða […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.