Day: 9. september, 2007

Stefán sigraði og Haraldur er stigameistari

Stefán Már Stefánsson úr GR sigraði á fimmta stigamóti ársins á Kaupþingsmótaröðinni í Vestmannaeyjum í dag en hann lék á 2 höggum yfir pari samtals, 68 og 74 höggum.Haraldur H. Heimisson úr GR varð annar á 4 höggum yfir pari samtals en hann er stigameistari mótaraðarinnar í ár. Sigurþór Jónsson úr GK varð þriðji á […]

Grunnskóli Vestmannaeyja náði silfrinu með 3,5 – 0,5 sigri á Svíþjóð b

Rétt í þessu lauk Norðurlandamóti barnaskólasveita í skák, Skáksveit Grunnskóla Vestmannaeyja náði 2. sæti og úrslit réðust á síðustu skákunum. Okkar menn aðeins hálfum vinningi frá gullinu. Stórglæsilegur árangur hjá þessum knáu eyjapeyjum. Sveit eyjamanna skipa þeir: Nökkvi Sverrisson, Alexander Gautason, Sindri Freyr Guðjónsson , Hallgrímur Júlíusson og varamaður var Kristófer Gautason. Liðstjóri var stórmeistarinn […]

Eyjapeyjar hálfum vinningi frá Norðurlandameistaratitli

Sveit Grunnskóla Vestmannaeyja var aðeins hálfum vinningi frá sigri á Norðurlandamótinu í skák sem lauk í dag í Örsundsbro í Svíþjóð. Eyjapeyjar hafa teflt mjög vel í mótinu og voru í öðru sæti fyrir síðasta keppnisdaginn. Lokaumferðin var svo mjög spennandi en þegar yfir lauk endaði Grunnskóli Vestmannaeyja með 13,5 vinninga en heimamenn frá Örsundbro […]

Stefán Már úr GR sigraði

Sjötta stigamóti í Kaupþingsmótaröðinni í golfi lauk í dag. Lítið fór fyrir rigningu í Vestmannaeyjum í dag og í raun hefur verið ágætt golfveður, smávegis vindur sem gerði kylfingum dálítið erfitt fyrir en annars sól og þurrt. Stefán Már Stefánsson, GR lék hringina tvo á samtals 142 höggum en hann lék á tveimur höggum undir […]

Frábær leikur hjá íslenska landsliðinu

Created by PhotoWatermark Professional

Í gærkvöldi áttust við á Laugardalsvelli Ísland – Spánn í landsleik í knattspyrnu, fyrirfram bjuggust flestir við sigri þeirra spænsku en það var greinilegt að strákarnir í íslenska landsliðinu mættu brjálaðir til leiks undir forustu Hermanns Hreiðarssonar fyrirliða. Hermann og Gunnar Heiðar áttu frábæran leik í gær og er greinilegt að þeir eru í frábæru […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.