Day: 17. apríl, 2009

Árni Johnsen spilaði á Selfossi og Hvolsvelli

Frambjóðendur Sjálfstæðisflokksins hafa verið á ferðinni um Suðurkjördæmi í framboðsrútu undanfarna daga. Vinnustaðir hafa verið heimsóttir og stjórnmálafundir haldnir. Árni Johnsen hefur gítarinn gjarnan við höndina á ferðalögum og lék hann nokkur lög þegar frambjoðendur litu við á rakarastofu Björns og Kjartans á Selfossi. (meira…)

Sjálfstæðismenn heimsóttu Sólheima í Grímsnesi

Unnur Brá Konráðsdóttir og Drífa Hjartardóttir, frambjóðendur Sjálfstæðisflokksins heimsóttu Sólheima í Grímsnesi í gær, fimmtudag. Gengu frambjóðendur um svæðið og spjölluðu við íbúa og starfsfólk um málefni líðandi stundar og verkefnin framundan. Á vef Sjálfstæðisflokksins segir að afar vel hafi verið tekið á móti þeim Unni Brá og Drífu á Sólheimum. (meira…)

Samfylkingin dreifir rósum, birki og jafnaðarstefnu

Frambjóðendur stjórnmálaflokkana taka upp á ýmsu síðustu dagana fyrir kosningar. Samfylkingarfólk í Suðurkjördæmi byrjaði í kvöld að dreifa jafnaðarstefnu sinni auk íslenskra rósa og birkis. Íbúar Reykjanesbæjar voru þeir fyrstu sem fengu þessa óvæntu gjöf með kosningaboðskap Samfylkingarinnar en frambjóðendur munu hafa þennan háttinn á um allt Suðurkjördæmi næstu daga. Kvenpeningur Reykjanesbæjar var í leiðinni […]

�?trúleg framganga rótgróinna körfuboltafélaga

Um helgina átti að fara fram síðasta fjölliðamót Íslandsmóts karla í 7. flokki körfuboltans. Mótið átti að vera í Vestmannaeyjum í síðasta mánuði en var frestað vegna forfalla liða. Nú hafa þau tekið sig saman og neita öll sem eitt að koma til Eyja og því hefur KKÍ ákveðið að leikirnir falla niður. Björn Einarsson, […]

Göngum til verka – verjum heimilin

Í vor verður kosið um á hvaða grunngildum skal byggja íslenskt samfélag. Eyða verður þeirri óvissu sem ríkir um framtíðina en það verður gert með því að tala skýrt og einbeita okkur að þeim verkefnum sem við blasa. Lækkun vaxta og endurreisn bankakerfisins eru stærstu verkefnin auk þess að tryggja þeim heimilum og fyrirtækjum, sem […]

Ofurlaunapartý á 10 ára fresti?

Þann 1.október sl. skrifaði ég ritgerð í mastersnámi mínu í mannauðsstjórnun sem fjallaði um ofurlaun. Sárafáar og nánast engar heimildir voru fáanlegar um ofurlaunaþróun og hefðir þar að lútandi á íslensku og um íslenskt atvinnulíf og varð því úr að flestar þeirra voru sóttar til Ameríku. (meira…)

Vegna fyrirhugaðra strandveiða

Steingrímur J. og Vinstri grænir eru allt í einu farnir að lofa því rétt fyrir kosningar að strandveiðar verði gefnar frjálsar, en þegar kaflinn hérna að neðan er lesinn, kemur í ljós að við Eyjamenn og aðrir sunnlendingar fáum ekkert út úr þessu. Bara svo það sé alveg á hreinu, þá hefur hingað til verið […]

50 manns í Ráðhúskaffi

Um 50 manns mættu á fund Sjálfstæðismanna í Ráðhúskaffi í Þorlákshöfn í gær. Sérstakur gestur fundarins var Bjarni Benediktsson, formaður flokksins. Sjálfstæðismenn segja fundinn hafa verið góðan og málefnalegan. Rætt var um gjaldmiðils-, atvinnu- og sjávarútvegsmál. Frambjóðendur Sjálfstæðisflokksins í Suðurkjördæmi hafa heimsótt vinnustaði í Reykjanesbæ í dag. (meira…)

Kennir bæjarstjórn um fýlu frá Lýsi

Sigurbjörn Magnússon, lögmaður Lýsis í Þorlákshöfn segir að fullkominn mengunarvarnarbúnaður sé tilbúinn til uppsetningar sem myndi koma í veg fyrir að nokkur ólykt berist frá verksmiðjunni. Skipulagsfulltrúi bæjarins gagnrýndi starfssemina harðlega í hádegisfréttum útvarpsins í dag. (meira…)

Ríkisstjórnin og Helguvík – með og á móti

Það er gott að Björgvin G. Sigurðsson taki nærri sér það sem sagt er um framgang Helguvíkurmálsins á Alþingi. Því það er forseti þingsins Guðbjartur Hannesson þingmaður Samfyllkingar sem ákveður dagskrána. Hann hefur hingað til ekki tekið málið til umræðu þó enginn forseti hafi haldið eins marga og langa fundi á eins stuttum tíma og […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.