Day: 4. maí, 2009

Um 100 misstu vinnuna á Suðurnesjum

Á annan tug fyrirtækja sagði upp starfsmönnum víðsvegar á Suðurnesjum nú um mánaðamótin. Tæplega 100 misstu þar vinnuna. Fyrir voru tæplega 1.900 manns án vinnu á Suðurnesjum, sem er tæplega 15% af vinnuafli. Atvinnuleysi mælist hvergi annarsstaðar á landinu meira en þar. (meira…)

Skinney-�?inganes selur skip

Útgerðin Skinney-Þinganes hefur selt nóta- og togveiðiskipið Jónu Eðvalds II sem hefur legið verkefnalaus í Hornafjarðarhöfn síðastliðið ár. Kaupandi er norska útgerðarfélagið Havdron. (meira…)

Mikill reykur frá tankskipi sem lá við bryggju

Nú rétt rúmlega sex var allt tiltækt slökkvilið kallað út í Vestmannaeyjum vegna reyks í vélarrúmi tankskips sem lá við bryggjuna. Um er að ræða lýsisskipið West Stream, sem skráð er í Nassau en mikill reykur barst úr skipinu. Enginn eldur var hins vegar sjáanlegur og var strax farið í að reykræsta skipið. (meira…)

Níu tilkynningar um þjófnaði

Lögreglunni á Selfossi bárust í síðustu viku níu tilkynningar um þjófnað. Utanborðsmótor og 25 lítra bensíntanki var stolið úr bátaskýli í Miðfelli við Þingvallavatn. Brotist var inn í sumarbústað við Lækjarbakka í Grímsnesi og þaðan stolið 50 tommu flatskjá. Þá var DVD spilara stolið úr sumarbústað í Vaðneslandi. (meira…)

Heiðurstónleikar Credence Clearwater Revivial um helgina

Laugardaginn 9. mí verða heiðurstónleikar Credence Clearwater Revivial í Höllinni í Vestmannaeyjum. Öll bestu lög þessarar stórkostlegu sveitar verða flutt af frábærum tónlistarmönnum. Þetta eru gæði fyrir eyrun. Bandið skipa: Sigurgeir Sigmunds, Jói Ásmunds, Ingó og Biggi Gildra. (meira…)

Vilja ekki vakna við fyrsta hanagal

Þau eru mörg málin sem lenda á borði lögreglunnar í Vestmannaeyjum í viku hverri og stundum koma inn á borð mál sem eru óvenjuleg. Í síðustu viku var t.d. kvartað undan hana sem galaði í morgunsárið alla morgna þannig að ekki hefur verið svefnfriður í hverfinu. Eigandinn segir hanann gala til að reka hænurnar úr […]

Selfoss Íslandsmeistari í 6. flokki í handbolta

Þriðja deildarmót 6. flokks karla fór fram í Íþróttamiðstöð Vestmannaeyja um helgina. Selfyssingar sigruðu mótið í flokki A-liða og urðu þar með Íslandsmeistarar. Í flokki B-liða sigraði Fram í deildarmótinu og B-lið Selfoss varð í 2. sæti. B-lið Selfoss hafði hins vegar fleiri stig í heildina og varð því einnig Íslandsmeistari. Fram varð Íslandsmeistari í […]

Gistinóttum fjölgar á Suðurlandi

Á Suðurlandi og á höfuðborgarsvæðinu fjölgaði gistinóttum í mars síðastliðnum frá sama mánuði í fyrra. Í öðrum landshlutum varð fækkun milli ára. Samkvæmt tölum Hagstofunnar fjölgaði gistinóttum hlutfallslega mest á Suðurlandi, úr 8.900 í 11.300 eða um tæp 28%. (meira…)

Vinnslustöðin tapaði 200 milljónum í fyrra

Tap Vinnslustöðvarinnar í Vestmannaeyjum á síðasta ári var tæplega 1,2 milljónir evra eða um 200 miljónum kr. Til samanburðar var 7 milljón evra hagnaður, eða um 1,2 milljarður kr. á rekstrinum á árinu 2007. Í tilkynningu um uppgjör ársins segir að ársreikningaskrá hefur gefið félaginu leyfi til að birta uppgjör sitt í evrum frá 1. […]

Miðin full af þorski – lítið út fyrir 101 Reykjavík

Stjórn skipstjóra- og stýrimannafélagsins Verðanda í Vestmannaeyjum skorar á ríkisstjórnina að vakna og líta aðeins út fyrir 101 Reykjavík. Í ályktun stjórnarinnar segir að svo mikið sé af þorski í sjónum að sjómenn forðist hann. Ástandið sé þannig að menn geti ekki kastað trolli eða lagt línu út af þorskgengd. Stjórn Verðanda hvetur ríkisstjórnina til […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.