Day: 8. ágúst, 2009

�??�?á tek ég við brekkusöngnum. Árni Johnsen verður bara að hætta,�??

Hermann Hreiðarsson, knattspyrnukappi, er í viðtali við helgarblað DV þessa helgina. Og eins og hans er von og vísa er hann bráðskemmtilegur og frásagnarglaður. Eins og allir atvinnumenn í fótbolta þarf hann að færa ýmsar fórnir. Ein af þeim er að sleppa Þjóðhátíð um hverja Verslunarmannahelgi því hún fer fram þegar mjög skammt er þangað […]

Fyrsti sigurinn kom í dag

Eyjamenn unnu sína fyrstu viðureign sína í Sveitakeppninni í dag gegn Golfklúbbnum Leyni frá Akranesi en lokatölur urðu 3:2 fyrir GV. Þeir Karl Haraldsson og Gunnar Geir Gústafsson töpuðu í fjórmenningi 2/0 en þeir Örlygur Helgi Grímsson, Þorsteinn Hallgrímsson og hinn ungi Hallgrímur Júlíusson unnu allir sínar viðureignir, Örlygur 1/0 en frændurnir Þorsteinn og Hallgrímur […]

Hvet bæjarbúa til að fjölmenna á völlinn

Á sunnudaginn kl. 19.15 leikur mfl. karla ÍBV sinn mikilvægasta leik á þessu tímabili gegn Fjölni á Hásteinsvelli. ÍBV hefur náð að rétta vel sinn hlut í deildinni í undanförnum leikjum og liggur mikið við að liðið haldi áfram að leggja sig fram og bæta sinn leik. Því skiptir stuðningur við liðið okkar miklu máli […]

GV tapaði fyrir GR og GK

Í viðureigninni gegn GK töpuðu Eyjamenn í tvímenningi, Rúnar Þór Karlsson tapaði fyrir hinum reynda Björgvini Sigurbergssyni 6/5, sem þýðir að þegar fimm holur voru eftir hafði Björgvin sex holu vinning á Rúnar og því búinn að vinna. Júlíus Hallgrímsson tapaði fyrir Axel Bóasyni 3/1, Þorsteinn Hallgrímsson tapaði fyrir Hlyn G. Hjartarssyni 2/0 og Örlygur […]

Eldfell eitt af bestu eldfjöllum bókmenntanna

Snæfellsjökull og Eldfell í Vestmannaeyjum, sem myndaðist í eldgosinu í Heimaey 1973, eru í hópi 10 bestu eldfjalla heims, að því er fram kemur í úttekt blaðamanns breska dagblaðsins The Guardian. Eldfjöllin eru valin með hliðsjón af umfjöllun um þau í bókmenntaverkum en þessi náttúrufyrirbæri þykja jafnan magnað sögusvið bóka. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.