Day: 26. ágúst, 2009

Fyrsta tap ÍBV í tvo mánuði

Eyjamenn töpuðu fyrsta leik sínum í kvöld síðan 1. júlí eða nákvæmlega í tvo mánuði, þegar þeir sóttu KR-inga heim. Lokatölur urðu 3:0 en öll mörkin voru skoruð í síðari hálfleik. Fram að þessu höfðu Eyjamenn leikið sex leiki í röð án þess að tapa, þar af unnið síðustu fjóra leiki. (meira…)

Slipptöku Herjólfs frestað um viku

Slippsferð Herjólfs frestast um eina viku frá því sem áður var áætlað. Herjólfur fer í slipp 13. september og kemur aftur í áætlun 25. september. Þá mun skipið sigla frá Þorlákshöfn klukkan 12.00. Breiðafjarðaferjan Baldur leysir Herjólf af á meðan slipptöku stendur. Áætlun verður óbreytt að öðru leyti en því að Baldur fer frá Vestmannaeyjum […]

Leiknum lýst á netinu

Í kvöld verður bein lýsing frá leik KR og ÍBV og hefst útsendingin á netinu kl 17:45. Það er Sverrir Júll sem mun lýsa leiknum beint. Þetta hefur verið gert nokkrum sinnum í sumar og hafa stuðningsmenn víðsvegar um heiminn haft gaman að. Hægt verður að hlusta á eftirfarandi stöðum. www.sportid.is, www.ibvfan.is, www.ibvfan.blog.is. (meira…)

BBC vill mynda pysjur

Kvikmyndatökumenn á vegum BBC verða í Eyjum um helgina en þeir hafa mikinn áhuga á að mynda pysjur ef þær verða á ferðinni. Kristján Egilsson á Náttúrugripasafninu hvetur krakka sem finna pysjur til að koma með þær á safnið því þar er hægt að geyma þær og eins er mikilvægt að vigta þær og mæla. […]

Sýnir bæði styrk og sveigjanleika félagsins

Hagnaður varð af rekstri Vinnslu­stöðvarinnar að fjárhæð 2,9 millj­ónir evra, jafnvirði 530 milljóna króna á fyrri hluta ársins. Á sama tímabili í fyrra var rúmlega 3,4 milljóna evra hagnaður af rekstri félagsins. Heildartekjur félagsins voru 25 milljónir evra og drógust saman um 7,7 milljónir evra frá sama tímabili á fyrra ári eða um 23,5%. Sigurgeir […]

Stalla hú mætir á KR-völlinn

Það verður væntanlega mikil stemmning á KR-vellinum í kvöld þegar ÍBV sækir KR-inga heim en leikir liðanna eru ávallt skemmtilegir. Það verður reyndar aukin skemmtun í kvöld því stuðningssveitin sögufræga Stalla Hú ætlar að dusta rykið af hljóðfærunum og mæta á svæðið. Aðrir stuðningsmenn ÍBV eru hvattir til að láta ekki sitt eftir liggja og […]

Fyrrum markvörður ÍBV ver mark Englands

Það eru nokkrir fyrrum leikmenn ÍBV sem leika á Evrópumóti kvenna í Finnlandi þessa dagana. Í íslenska landsliðinu má m.a. finna þær Margréti Láru Viðarsdóttur, Fanndísi Friðriksdóttur, Hólmfríði Magnúsdóttur og Rakel Logadóttur sem allar léku eitt sinn með ÍBV. En það má finna fleiri kunnugleg nöfn á Evrópumótinu. (meira…)

�??Drillo�??gleymir ekki Hermanni

Egil „Drillo“ Olsen þjálfari norska landsliðsins segir í viðtali við norska dagblaðið Aftenposten að hann gleymi aldrei þeim stuðningi sem hann fékk frá landsliðsfyrirliðanum Hermanni Hreiðarssyni þegar „Drillo“ var knattspyrnustjóri enska úrvalsdeildarliðsins Wimbledon. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.