Day: 5. apríl, 2011

Aðstæður varasamar í Landeyjahöfn

Siglingastofnun segir, að með tilliti til öryggissjónarmiða og þess rysjótta tíðarfars, sem nú ríki, geti stofnunin ekki fallist á opna Landeyjahöfn fyrir farþegasiglingum annarra skipa en Herjólfs. Elliði Vignisson, bæjarstjóri Vestmannaeyja, hefur sent Ögmundi Jónassyni, innanríkisráðherra, og Hermanni Guðjónssyni, siglingamálastjóra, bréf þar sem farið er fram á að sérleyfi Herjólfs til siglinga í Landeyjahöfn verði […]

Landeyjahöfn áfram lokuð

Siglingastofnun segir að útlit sé fyrir að dæluskipinu Skandia takist í dag að ljúka lágmarksdýpkun í Landeyjahöfn svo hægt sé að opna höfnina. Hins vegar verði ekki hægt að mæla dýpið fyrr en veður gengur niður og það gerist væntanlega ekki fyrr en um næstu helgi. Muni þá koma í ljós hvort dýpið sé nægjanlegt […]

�?tigangsmaðurinn farinn frá Eyjum

Undanfarnar vikur hefur erlendur karlmaður þrætt göturnar í Vestmannaeyjum. Sá hefur ekki haft húsnæði til umráða en samkvæmt heimildum Eyjafrétta hafði hann m.a. hallað höfði sínu í Herjólfsbæ. Í dagbókarfærslu lögreglunnar segir að lögreglan hafi þurft að hafa afskipti af erlendum ríkisborgara sem hafi verið á vappi um Heimaey undanfarnar vikur, vegna ölvunar. Var hann […]

Dröfn valin í æfingahóp í fyrsta sinn

Eyjastelpan Dröfn Haraldsdóttir, sem hefur leikið undanfarið með HK, hefur verið valin í æfingahóp íslenska kvennalandsliðsins í handbolta. Dröfn hefur leikið afar vel í vetur og er vel að því komin að vera valin í landsliðshópinn. Guðbjörg Guðmannsdóttir, leikmaður ÍBV gaf hins vegar ekki kost á sér að þessu sinni en Guðbjörg hefur verið lykilmaður […]

Netkosning hafin í Ungfrú Suðurland

Keppnin Ungfrú Suðurland fer fram á Hótel Selfossi á föstudagskvöld en fjórar Eyjastúlkur taka þátt í keppninni. Alls eru keppendur níu talsins og verða fjölmörg verðlaun veitt eftir keppnina. Meðal annars er sérstök netkosning á gangi nú á Sunnlenska.is þar sem hægt er að velja Netstúlku keppninnar. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.