Það fer ekki framhjá neinum að hamfarir ganga nú yfir Austurland og er hægt að taka undir að þarna verði ríkið að grípa inní sem fyrst. Tveir ráðherr­ar eru nú þegar mætt­ir á svæðið, þeir Bjarni Benediktsson og Jón Gunnarsson, auk fylgd­arliðs. 

Þeir lentu á flug­vell­in­um á Hornafirði um klukk­an tíu í morgun. Óhætt er að hrósa þeim fyrir það enda íbúar þarna búnir að vera sambandslausir síðan í gær. „Lífæðarn­ar þurfa að vera í lagi,“ seg­ir Jón Gunn­ars­son sam­gönguráðherra í sam­tali við mbl.is. 

Í þessu samhengi er nauðsynlegt að benda á að Vestmannaeyjar voru sambandslausar í tæpa þrjá sólarhringa nokkrum dögum fyrr. Nú er hvíslað um það að ekki nokkur bæjarbúi hafi orðið var við að ráðherrarnir hafi verið hér að kanna aðstæður. Vissulega voru þetta hamfarir hér líka. Munurinn er sá að hamfarirnar hér voru af mannavöldum!

Já, það er ekki sama hvort það er Jón eða séra Jón!