Vöndum okkur í viðspyrnunni

Bæjarstjórn Vestmannaeyja staðfesti í síðustu viku tillögu bæjarráðs um að setja á laggirnar viðspyrnusjóð fyrir fyrirtæki í Vestmannaeyjum vegna Covid 19.

Sjóðurinn nýtur framlaga frá Vestmannaeyjabæ að upphæð allt að 5.000.000 kr. á árinu 2020, og er stofnaður til að bregðast við þeim óvæntu og sérstöku aðstæðum sem skapast hafa vegna heimsfaraldurs Covid-19 veirunnar. Hver rekstraraðili getur að hámarki fengið úthlutað 1.500.000 kr. úr sjóðnum og skulu fyrirtæki í ferðaþjónustu ganga fyrir þegar kemur að úthlutun.

Í skjali um fyrirkomulag og úthlutun úr sjóðnum segir að það eigi einkum við fyrirtæki í ferðaþjónustu og verði horft til þeirra sérstaklega við úthlutun úr sjóðnum.

,,Gríðarlegt tekjufall hefur orðið í ferðaþjónustu og við þeim aðstæðum þarf að bregðast með afgerandi hætti. Stofnun sjóðsins hefur ekki fordæmisgildi gagnvart áföllum í framtíðinni. Vestmannaeyjabæjar fer með fyrirsvar fyrir sjóðinn og sér um umsýslu hans. Úthlutunarnefnd skipa: Bæjarráð og bæjarstjóri.”

Styrkir fyrir hverja:

  • Rekstraraðilar með heilsársstarfsemi sem voru með lögheimili í Vestmannaeyjum 1. mars 2020 geta sótt um framlag úr sjóðnum. Á þetta sérstaklega við um fyrirtæki í ferðaþjónustu.
  • Rekstraraðilar í Vestmannaeyjum með starfsemi í a.m.k. 6 mánuði á árinu 2020 geta sótt um framlög og verður þeim úthlutað í hlutfalli við fjölda mánaða í rekstri á árinu. Á þetta sérstaklega við um fyrirtæki í ferðaþjónustu.

Úthlutunarreglur:

Tekið er mið af eftirfarandi þáttum við úthlutun:

  • Fyrirtæki með heilsársstarfsemi er forsenda fyrir styrkveitingum. Fyrirtæki sem starfrækt hafa í a.m.k. 6 mánuði á árinu 2020 geta einnig fengið styrk í hlutfalli við fjölda mánaða í rekstri á árinu. Fyrirtæki í ferðaþjónustu ganga fyrir.
  • Fasteignagjöldum af atvinnuhúsnæði (C-flokkur) (vigtar 50%)
  • Hlutfalli afbókana eða afpantana af ársveltu (vigtar 25%)
  • Umfangi reksturs, ársverka og ársveltu (vigtar 25%) Úthlutunarnefnd ákveður hvort fallist er á umsókn og hversu hátt framlag umsækjandi fær úr sjóðnum. Úthlutunarnefnd getur veitt umsækjanda skamman frest til að skila viðbótargögnum eða upplýsingum eftir því sem þörf krefur við mat umsóknar.

Mikilvægt að huga vel að jafnræðisreglunni

Nú er það svo að mun fleiri fyrirtæki urðu fyrir talsverðu tjóni af völdum faraldursins á árinu en fyrirtæki í ferðaþjónustu. Fyrirtæki líkt og líkamsræktarstöðvar, hárgreiðslu,- snyrti- og nuddstofur.

Líkamsræktarstöðvar hafa til að mynda ekki enn fengið að opna svo dæmi sé tekið.

Bæjaryfirvöld verða að vanda vel til verka þegar kemur að því að stofna slíka sjóði. Það verður að huga vel að öllum þeim sem standa í slíkum sporum. Undirritaður gerir sér fulla grein fyrir mikilvægi þess að verja ferðaþjónustuna, en samkvæmt úthlutunarreglunum er aðeins hluti þeirra fyrirtækja sem getur sótt um styrk.

Í svona aðgerðum verður að huga vel að jafnræðisreglunni, sem einmitt bar á góma í öðru máli á síðasta fundi bæjarstjórnar. Að allir sitji við sama borð, þegar kemur að því að deila út fjármunum úr sameiginlegum sjóðum.

Kæru bæjarfulltrúar: Vandvirkni er gríðarlega mikilvæg, sérstaklega í svona málum!

 

Tryggvi Már Sæmundsson

 

Höfundur er ritstjóri Eyjar.net

Nýjustu fréttir

Vestmannaeyjabær
Styrkir veittir til fjölbreyttra verkefna
Aðsend grein
Neyðarkall úr Eyjum
Aðsent
Sigmundur Davíð með opinn fund
Fréttatilkynning
Hæsti styrkurinn til Eyja
Aðsent
Dýptarmæling í dag
Aðsent
Eyjalistinn í sókn: Heimasíða og stefnuskrá líta dagsins ljós!
Vinnslustöðin
Vinnandi hendur frá hafi til hátíðarborðs
Áhugavert
Kristmundur Axel kemur fram á Þjóðhátíð
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.