Þetta er Raoul Wallenberg. Sænskur diplomat sem bjargaði þúsundum gyðinga í síðari heimstyrjöldinni með því að veita þeim sænskan ríkisborgararétt, þvert á lög landsins sem hann starfaði í, Ungverjalandi.

Þetta er Hermann Jónasson forsætisráðherra Íslands árin 1934 til 1942. Ég veit svo sem ekkert um ráðherratíð Hermanns frekar en nafna hans Gehrings annað en það, að hann var ábyrgur fyrir brottvísun fjölda gyðinga sem sóttu um hjálp í landinu okkar en var miskunnarlaust vísað á brott í skjóli laga. Flestir mættu ölögum sínum í útrýmingabúðum.

Stundum höfum við á orði að í upphafi skyldi endirinn skoða. Skyldi Hermann Jónasson hafa gert sér grein fyrir því að þegar tímar liðu fram yrði hans einungis minnst fyrir þau voðaverk sem hann varð ábyrgur fyrir? Beitti hann lögunum fyrir sig?

Þetta er Fida Abu Libdeh sem kom frá Palestínu til Íslands sem metnaðarfullur unglingur. Hún heillaðist af gífurlegum krafti og hreinleika íslenskrar náttúru og stofnaði GeoSilica árið 2012.⁠ Fyrirtækið er metið á milljarða króna í dag. Ef við leggjum framlag hennar til íslensk samfélags á lóðarskálarnar gæti framlag hennar til samfélagsins líklega greitt fyrir alla flóttamenn sem við erum svo örlát að senda til Grikklands. Takk fyrir þitt framlag til samfélagsins Fida Abu Libdeh.

Skyldi Raoul Wallenberg hafa haft frægð og frama í huga þegar hann bjargaði þúsundum, já og reyndar tugþúsundum gyðinga frá útrýmingarbúðunum í huga eða var það bara manngæska? Nafn Raoul Wallenberg lifir að eilífu fyrir framlag hans til mannúðarmála. Man einhver eftir Oscar Schindler sem lagði líf sitt að veði við að bjarga yfir þúsund gyðingum í heimstyrjöldinni síðari? Þannig verða hetjur til.

Þetta er þotan sem Jón Gunnarsson leigði frá erlendu leigufyrirtæki til að flytja 15 einstaklinga frá Íslandi til Grikklands. Með þeim fylgdi fjöldi íslenskra lögregluþjóna sem flugu á vit sólarinnar sem þeir gátu baðað sig í á kostnað þín sem þessar línur lest í einhverja klukkutíma áður en hinn bitri raunveruleiki flugs til baka tók við með heimsókn í fríhöfnina sem selur hinar ýmsu vörur á niðursettu verði. Hugmyndin að þessari framkvæmd eins og hún leggur sig fæddist í einhverjum kolli. Hún varð ekki til af sjálfu sér. Spurningin er, hver átti kollinn.

Þetta eru Jón Gunnarsson og Katrín Jakobsdóttir sem síðustu fimm ár hafa snúið bökum saman við að vísa fólki sem myndi ekki bara auðga menningu okkar, heldur leggja af stað út í lífið í nýju landi sem nýtir þjóðfélagsþegnar. Hvorki Jóns né Katrínar verður minnst fyrir hetjuskap í framtíðinni. Í kvöld leggja vinirnir Jón og Kata höfuðið á koddann broshýr eftir góðgerðir dagsins og bjóða góða nótt.

Á götum Aþenu snýr móðir Yasameen og Zöru Hussein sér að dætrum sínum. Góða nótt dætur, hallið ykkur að rennusteininum.

Góða nótt Katrín, góða nótt Jón.