Nú hefur bæjarmálafélagið Fyrir Heimaey ákveðið að bjóða aftur fram lista fyrir komandi bæjarstjórnarkosningar í vor. Ég hef ákveðið að gefa kost á mér aftur en prófkjör verður hjá félaginu þann 5. mars nk. Þau fjögur ár sem ég hef setið í bæjarstjórn hafa verið mjög ánægjuleg en jafnframt krefjandi. Ég hef meðal annars haft það stóra hlutverk að stýra umhverfis- og skipulagsráði. Aukin áhersla hefur verið í umhverfismálum en þar eru mörg þörf og skemmtileg verkefni í gangi sem haldið verður áfram að vinna með eins og í öðrum málaflokkum. Ég býð mig fram til að geta komið þessum verkefnum sem og öðrum nýjum í þann farveg sem þeim er ætlað.
Jóna Sigríður Guðmundsdóttir
