Skapast hefur hefð fyrir því að kveðja starfsfólk sem látið hefur af störfum vegna aldurs með sérstakri viðhöfn í árslok. Í síðustu viku bauð Íris Róbertsdóttir, bæjarstjóri, starfsfólki sem látið hefur af störfum á árinu til samverustundar í Ráðhúsinu. Þar færði Íris þeim lítinn þakklætisvott fyrir framlag þeirra til Vestmannaeyjabæjar á starfsævinni og minntist hvers og eins með nokkrum orðum.
Alls sjö einstaklingar létu af störfum vegna aldurs á þessu ári. Þeir eru Gunnar Rafn Einarsson, Tryggvi Sigurðsson, Sigþór Ingvarsson, Guðrún Sveinsdóttir, Hrefna Guðjónsdóttir, Karen Tryggvadóttir og Haraldur Þorsteinn Gunnarsson.
Vestmannaeyjabær þakkar í frétt á vef bæjarins öllum ofangreindum samstarfið á síðastliðnum árum og áratugum og óskar þeim gæfuríkrar framtíðar.
