Það var mildi að ekki fór verr að sögn Sveins Magnússonar þegar mannlaus bíll rann á söluskálann Klett seinnipartinn í gær.
Bílnum var lagt sunnan við Strandveg og rann því yfirgötuna. “Hann náði greinilega töluverðu skriði því að höggið var þokkalegt. Það var bíll hérna við huðina þegar þetta gerðist en bílstjóri þess bíls náði að komast frá og forða frekara tjóni .”
Sveinn segir tjónið ekki vera mikið. “Hurðin er ónýt og svo eru haustblómin í klessu. Maður er bara þakklátur að að það voru engir gangandi vegfarendur þarna þá hefði getað farið illa.” Hann segir viðstadda vissulega hafa brugðið og mælti með því fyrir þá sem vilja renna við á Kletti að nota frekar lúguna.
