Fótfesta Framsóknarflokksins

�?að hefur margt verið skrafað um fylgistap Framsóknarflokksins og víst að ástæðurnar eru fjölmargar. Í nýafstöðnum kosningum lenti flokkurinn milli tveggja elda þar sem kjósendur voru ýmist að tjá með atkvæði sínu stuðning við áframhaldandi stjórn eða andstöðu við stjórnina. Í þeirri samkeppni hlaut Framsóknarflokkurinn að verða útundan enda reyndist hann eiga minna af óákveðna fylginu en nokkru sinni fyrr.

Utan Suðvesturhornsins hélt flokkurinn sjó en tapaði gríðarlega á Reykjavíkursvæðinu. Sá sem hér ritar hefur lengi talað fyrir þeirri skoðun að nálgun flokksins á höfuðborgarsvæðinu hafi verið í senn röng og ósannfærandi. Í stað þess að leggja upp með hinn gamalgróna trausta flokk landsbyggðarstefnu, þjóðhyggju og umhverfisverndar hafa forystumenn flokksins leitað fyrir sér um �?önnur�? stefnumál og �?aðra�? kjósendur án þess að það liggi allskostar fyrir hvert förinni væri heitið. Sú staðreynd að mikill meirihluti þjóðarinnar býr nú á höfuðborgarsvæðinu hefur fyllt gömul Framsóknarhjörtu ótta við að flokkurinn væri að missa af lest. Hann yrði líkt og þjóðin að færa sig og stefnumál sín. Finna sér fótfestu í óskilgreindum baráttumálum Suðvesturhornsins. Slík flóttastefna frá gömlum og gildum hugsjónum flokksins út í hreina leit að vinsældum er vitaskuld feigðarflan.

Höfuðborg Íslands á sér margskonar hagsmuni og íbúum þar gengur yfirleitt giska vel að verja þá. Í einu mikilvægu máli gæti borgin samt beðið lægri hlut og það yrði henni dýrkeypt. Höfuðborgin þarf að vera höfuðborg þjóðríkis til þess að geta staðið undir nafni. Líkt og landsbyggðin á Íslandi þarf á því að halda að eiga sér öfluga og framsækna höfuðborg þarf sú sama borg á því að halda að eiga sér stórt, fjölbreytilegt og vaxandi bakland. Höfuðborg í litlu borgríki við Faxaflóann er ekki það framtíðarhlutverk sem við óskum Reykjavík barna okkar.

Erindi hins hófsama Framsóknarflokks í þessari baráttu er mikilvægt og flokkurinn þarf í engu að óttast að eiga sér ekki kjósendur á höfuðborgarsvæðinu, þar er mýgrútur af sveitamönnum og fer fjölgandi enda sveitin í tísku. Verði flokkurinn sannfærandi í málflutningi sínum nær hann til þessa fólks. �?að er verkefni næstu ára.

Höfundur býr á Selfossi og situr á Alþingi fyrir Framsóknarflokkinn í Suðurkjördæmi.

Nýjustu fréttir

Íþróttir
Laskað lið ÍBV tapaði gegn Val
Aðsent
Athugasemd
Stjórnmál
Dísa leiðir Eyjalistann
Fréttir
Kvenfélagið Líkn færði HSU veglega gjöf
Vinnslustöðin
Loðnan tengir saman Vestmannaeyjar og Japan
Úr blaði Eyjafrétta
Listir og menning í Framhaldsskóla Vestmannaeyja
Fréttaskýring
Lestur ársreiknings bæjarins gefur allt aðra mynd
Áhugavert
Ísólfur Gylfi – 42 ár frá Helliseyjarslysinu
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.