- Eyjafréttir
- ·
- Fréttir
- ·
Samgöngur eiga að vera á forsendum Eyjafólks
�?að gat hent hér á öldum áður að Íslendingar lentu í að hylla konung sem var löngu dauður. Kóngur Danmerkur og Íslands gat hrokkið upp af rétt eftir að haustskipið hélt til Íslands og þá barst fréttin ekki hingað fyrir en langt var liðið á næsta ár.
�?etta kom upp í hugann þegar farsinn í samgöngumálum Vestmannaeyja náði enn nýjum hæðum þegar í ljós kom að ekki var farið að framleiða varahluti í Herjólf þegar til átti að taka. Skipið komið í slipp, búið að rífa í sundur vélina, skip með tilheyrandi kostnaði var mætt frá Noregi en engir varahlutir! Vélinni tjaslað saman og Herjólfur byrjar að sigla á ný með takmörkunum þó.
Hvernig getur það gerst að ekki var hægt að koma skilaboðum í tíma um að varahlutir yrðu ekki tilbúnir á tilsettum tíma? Nú er þetta ekki spurning um haust- eða vorskip því skilaboð berast heimshorna á milli á örskotsstundu. Hvað klikkaði og hver ber ábyrgðina? Og hvað kostaði þetta rugl í kringum Herjólf og hvert er tjón fyrirtækja og Eyjamanna almennt mikið í beinhörðum peningum?
Hvað kostaði að leigja aðra ferju, hvað kostaði slipptakan og hvað kostaði að rífa vélina og setja hana saman á ný? �?ær tölur hljóta að vera til.
Fyrirtæki í sjávarútvegi og ferðaþjónustu urðu fyrir milljóna tjóni auk þess sem ímynd Vestmannaeyja skaddaðist. Fólk hefur lent í vandræðum og þurft að leggja út háar fjárhæðir til að komast til læknis eða þess eins að komast heim til sín. Dæmin eru mörg, já, allt of mörg.
�?etta þarf að reikna út. En þá er það hin hliðin. Hvað lætur fólk bjóða sér þetta lengi? Hvenær fer fjölskyldan sína síðustu ferð með Herjólfi sem íbúi í Vestmannaeyjum? Hugsar sem svo, ég læt ekki hafa mig að fífli lengur. �?g er farin og kem kannski á næstu þjóðhátíð ef vel viðrar.
�?etta er sá veruleiki sem við þurfum að horfast í augu við, vill fólk búa í Vestmannaeyjum eða ekki? Eins og áður segir hefur gengið á ýmsu í samgöngum svo vægt sé til orða tekið. Og það sem þarf, er að fá allt upp á borðið. Ef þarf að laga höfnina verður að vinna að því öllum árum. Komi í ljós að ný ferja stenst ekki væntingar um flutninga milli lands og Eyja verðum við að fá nýja. Flóknara er það ekki. �?að má þá setja þá nýju upp í.
Að lokum þetta: Samgöngur eiga að vera á forsendum Eyjafólks en ekki misviturra manna í kerfinu sem hafa sýnt að þeim er nokkuð sama hvað snýr upp eða niður þegar kemur að flutningum milli lands og Eyja.
