Bjartmar Guðlaugsson semur þjóðhátíðarlagið í ár. Lagið heitir Eyjarós og segir hann það höfða sérstaklega til þeirra sem hafa orðið ástfangin í Eyjum. Það eru þrjátíu ár síðan Bjartmar samdi síðast Þjóðhátíðarlag en það var textinn við lagið Í Brekkunni sem hann samdi með Jóni Ólafssyni. Eyjarós verður frumflutt í byrjun júní á öllum helstu útvarpsstöðvum og því nógur tími fyrir Þjóðhátíðargesti til að læra textann til að geta sungið sem hæst með í Herjólfsdal.

„Lagið í ár heitir Eyjarós. Þetta er svoleiðis bullandi rómantík og þetta lag mun alveg sérstaklega höfða til þeirra sem hafa orðið ástfangnir á Þjóðhátíð. En svo er þetta líka mjög gott rasskinna eróbikk. Það munu allir raula með,“ segir Bjartmar hlæjandi í viðtali hjá Fréttablaðinu.