Mesti vindur á landinu í dag mældist á Stórhöfða. Þar var vindur 39.1 á níunda tímanum og var mesta hviða 50,3 m/s. Þetta kemur fram á nýjum vef Veðurstofunar, gottvedur.is. Veðrið er nú aðeins farið að ganga niður og mældist vindur á tíunda tímanum 34 m/s.

Minnt er á að önnur rauð viðvörun tekur gildi í fyrramálið klukkan 8.00 á Suðurlandi og gildir hún til kl. 13.00. Sunnan og suðvestan 28-33 m/s og hviður staðbundið yfir 45 m/s. Talsverð rigning á köflum. Foktjón mjög líklegt og það getur verið hættulegt að vera á ferð utandyra. Vatnavextir líklegir og raskanir á samgöngum líklegar. Ekkert ferðaveður. Búast má við miklum áhlaðanda og ölduhæð.

Nýjustu veðurathuganir á Stórhöfða má sjá hér að neðan.

Tími	Vindur	Mesti vindur / hviða	Hiti	Raka- stig
Mið 05.02 kl. 22:00	34 m/s	36 m/s  /  45 m/s	7,5 °C	78 %
Mið 05.02 kl. 21:00	37 m/s	39 m/s  /  50 m/s	6,8 °C	82 %
Mið 05.02 kl. 20:00	22 m/s	39 m/s  /  49 m/s	4,1 °C	97 %
Mið 05.02 kl. 19:00	35 m/s	35 m/s  /  48 m/s	7,6 °C	96 %
Mið 05.02 kl. 18:00	31 m/s	31 m/s  /  44 m/s	7,3 °C	98 %