Töluvert annríki var hjá Björgunarfélagi Vestmannaeyja í dag, þegar fárviðri gekk yfir Vestmannaeyjar með hvössum vindhviðum og krefjandi aðstæðum. Raunar stendur stormurinn enn en aðeins hefur lægt ef skoðuð er nýjasta veðurathugunin á Stórhöfða.

Björgunarfélagið var fyrst kallað út um hádegi og hafði sinnt níu verkefnum þegar þetta var skrifað um kl. 18. Verkefnin tengdust meðal annars lausum þakplötum, þakkössum, klæðningum og öðru sem losnað hafði í veðrinu.

Alls komu 22 félagar að aðgerðunum, í samstarfi við lögreglu, en útköll stóðu yfir frá hádegi og fram á kvöld. Í tilkynningu frá félaginu er íbúum bent á mikilvægi þess að ganga vel frá lausamunum þegar von er á hvassviðri og fylgjast með veðurspám, enda megi með slíku draga úr hættu og tjóni. Þá er öllum sem komu að aðgerðum dagsins þakkað fyrir gott samstarf.

Veðurathuganir – Stórhöfði

Tími	Vindur	Mesti vindur / hviða	Hiti	Uppsöfnuð úrkoma	Raka- stig
Mán 06.04 kl. 18:00	31 m/s	36 m/s  /  45 m/s	5,7 °C	0,4 mm / 1 klst	96 %
Mán 06.04 kl. 17:00	37 m/s	38 m/s  /  47 m/s	4 °C	2,2 mm / 1 klst	96 %
Mán 06.04 kl. 16:00	35 m/s	40 m/s  /  49 m/s	3,5 °C	6,6 mm / 1 klst	98 %
Mán 06.04 kl. 15:00	37 m/s	38 m/s  /  49 m/s	2,8 °C	6,8 mm / 1 klst	98 %
Mán 06.04 kl. 14:00	37 m/s	39 m/s  /  49 m/s	2,6 °C	6,6 mm / 1 klst	98 %
Mán 06.04 kl. 13:00	39 m/s	41 m/s  /  49 m/s	2,3 °C	3,1 mm / 1 klst	98 %
Mán 06.04 kl. 12:00	38 m/s	38 m/s  /  49 m/s	2,4 °C	1,3 mm / 1 klst	97 %