Dýpkunarskipið Álfsnesið hefur tímabundið þurft að hætta störfum við Landeyjahöfn vegna veðurs. Þetta kemur fram í nýjum upplýsingum frá G. Pétri Matthíassyni, upplýsingafulltrúa Vegagerðarinnar.

„Álfsnesið þurfti frá að hverfa vegna veðurs en mun hefja dýpkun að nýju á fimmtudag, svo framarlega sem veðurspár ganga eftir,“ segir Pétur.

Óstöðugar aðstæður á svæðinu hafa áfram áhrif á dýpkunarframkvæmdir, en eins og áður hefur komið fram eru dýpkunaraðstæður mjög háðar bæði ölduhæð og sjávarstöðu. Vonir standa til að hægt verði að nýta næstu daga til áframhaldandi dýpkunar ef veður leyfir.

Sjá einnig: Dýpið minnkaði um meter í síðustu brælu