Knattspyrnudeild ÍBV hefur samið við serbneska markmanninn Ivan Vidrih. Hann hefur nú þegar fengið félagsskipti og má vera í leikmannahópi ÍBV þegar þeir spila gegn Víking Reykjavík á sunnudaginn. Fótbolti.net greindi frá.

Vidrih sem er 21 árs kemur frá FK Buducnost sem leikur í þriðju efstu deild í Serbíu. Hann er uppalinn í Partizan og hefur leikið í Serbíu og á Spáni á ferlinum.

Markmaðurinn Marcel Zapytowski yfirgaf herbúðir ÍBV á dögunum og samdi við Egersund sem leikur í næst efstu deild í Noregi. Marcel átti gott tímabil í fyrra með ÍBV en missti byrjunarliðssæti á þessu tímabili og spilaði aðeins sjö leiki í sumar.

ÍBV heimsækir Víking R. í 18. umferð Bestu deildar karla sunnudaginn 9. ágúst kl. 18:00.