Aglow-samvera verður í Safnaðarheimili Landakirkju í kvöld, miðvikudaginn 7. október, kl. 19.30. Samveran hefst með hressingu og samfélagi, en síðan verður sungið, beðið saman og hlýtt á boðskap. Allar konur eru velkomnar, að því er segir í tilkynningu frá stjórn Aglow í Vestmannaeyjum.

Á fundinum munu konur sem sóttu Aglow-ráðstefnu í Skálholtsbúðum helgina 2.–4. október segja frá því sem helst talaði til þeirra þar. Í tilkynningunni er helginni lýst sem uppbyggilegri og bent á að Aglow-konur starfi víða um heim að því að boða sigur Drottins með bæn og verkum.

Á septemberfundinum kom Guðrún Erlingsóttir í heimsókn og kynnti nýju plötuna sína, Sólarlag. Segir stjórnin að ánægjulegt hafi verið að hlusta á Rúnu segja frá og syngja lögin sem hún hefur samið.

Fundir vetrarins

Aglow-fundir veturinn 2026–2027 verða 7. október, 4. nóvember og 2. desember, en þá verður jólafundur. Eftir áramót verða fundir 6. janúar, 3. febrúar, 3. mars, 7. apríl og 5. maí.