Við getum gert betur
Ragnheiður Sveinþórsdóttir

Innviðirnir
Þar sem ég sækist eftir 2-4 sæti í komandi prófkjöri í Vestannaeyjjum þá langar mig að minnast á innviðina okkar. Þegar kemur að grundvallarskipulagi kerfisins okkar eða innviðunum þá er ég í fyrsta lagi vel kunnug skólakerfinu, með þrjú börn í grunnskóla. Heilbrigðisþjónustunni, við fjölskyldan nýtum okkur hana eins og aðrir en við Siggi eigum líka langveikt barn svo mig grunar að við höfum þurft að nýta okkur þá þjónustu sem býðst oftar en margir. Af sömu ástæðu þekkjum við félagslega kerfið hér í eyjum ágætlega; og þegar ég segi fólki í sömu sporum og við erum, hvernig þjónustan er í okkar sveitarfélagi þá gapa margir. Því við erum ótrúlega heppin þegar kemur að ótrúlega mörgum þáttum í innviðunum hjá okkur.

Hins vegar þegar kemur að bráðahjálp vitum við að þegar við þurfum hana þá tekur hún tíma. Ég sjálf þakka fyrir að hafa ekki farið fyrr af stað með miðjubarnið mitt sem fæddist hér í eyjum. Þann dag voru vaktaskipti hjá svæfingalæknunum, ef hún hefði reynt að koma í heiminn nokkrum klukkustundum fyrr þá finnst mér ólíklegt að hún væri 10 ára í dag. Sjúkravél staðsett á norðurlandi hefði mjög ólíklega náð að ferja okkur í bæinn í tíma. Mikilvægi sjúkraþyrlu eru ótvíræð, konur eru að fæða börn hérna í eyjum, fólk slasast, veikist, skip eru á sjó allt í kringum okkur. Af hverju höfum við ekki heyrt meira um áform um staðsetningu sjúkraþyrlu á suðurlandi?

Afhverju er þetta í alvöru ekki eitt af baráttumálum bæjarins sem fer hátt? Ég geri mér fulla grein fyrir að fá sjúkraþyrlu til okkar er eins og að snúa olíuskipi í Suez-skurðinum, reyndar litlu olíuskipi, en það krefst samt sem áður þrautseigju, undirbúnings og reynslu. Hér ættu kjörnir fulltrúar að láta í sér heyra og beita sér fyrir okkur sem búum við önnur skilyrði.  Ég hef þrautseigju og reynslu af stjórnsýslunni. Ég vann lengi hjá opinberu hlutafélagi og geri mér ótvíræða grein fyrir því hvernig fjármunum er ráðstafað. Ég hef líka með þrautseigju komið tveimur reglugerðarbreytingum, fyrir börn með skarð í gómi, í gegn ásamt viðauka til að stemma stigu við óbilgirni í kerfinu. Við verðum að halda áfram og hafa hátt.

Ég vil að samfélagið okkar sé alltaf besta útgáfan af sjálfu sér – fyrir okkur öll.

Vestmannaeyjar – verðum best.
Ragnheiður Sveinþórsdóttir

Nýjustu fréttir

Íþróttir
Jafnt hjá ÍBV og Fram í Lengjubikar kvenna
Íþróttir
Tómas Bent og félagar í Hearts aftur á sigurbraut
Íþróttir
ÍBV vann Suðurlandsslaginn
Aðsend grein
Öflug barátta og samstaða skipar öndvegi í framtíð Eyjanna
Bæjarmálin
Engin börn í vistun utan Vestmannaeyja
Bæjarmálin
Grípa þarf til aukasundkennslu eftir langvarandi lokun
Íþróttir
Suðurlandsslagur í Eyjum
Fréttir
Herjólfur til Landeyjahafnar seinni partinn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.