Fullu dýpi náð í Landeyjahöfn

Herjólfur ohf. hóf að sigla sjö ferðir á dag í Landeyjahöfn laugardaginn 2. apríl. Fjarlægja þurfti 15 þúsund rúmmetra af sandi til að opna höfnina, en fyrir þann tíma höfðu siglingarnar verið háðar sjávarföllum og farnar fjórar ferðir á dag. Dýpkunarskipið Dísa verður að störfum út apríl. Dýpkun í höfninni frá september og fram í maí verður boðin út í vor. Þetta kemur fram í frétt á vef vegagerðarinnar.

Nýting Landeyjahafnar hefur verið með minna móti þennan vetur vegna veðurs. Herjólfur fór aðeins 34 ferðir til Landeyjahafnar í janúar, 92 ferðir til Þorlákshafnar og tvo daga var ekkert siglt. Til samanburðar voru farnar 286 ferðir til Landeyjahafnar og 20 til Þorlákshafnar í janúar 2021.

Dýpi við höfnina hefur verið takmarkað í vetur enda geta dýpkunarskip ekki athafnað sig í mynni Landeyjahafnar þegar ölduhæð er yfir 1,5 m. Veður voru mjög óhagstæð fyrstu mánuði ársins og ölduhæð almennt yfir mörkum. Aðeins tvisvar gafst veður til dýpkunar í einn dag í senn.

Dýpkunarskipið Dísa frá fyrirtækinu Björgun ehf. hóf dýpkun í Landeyjahöfn 24. mars síðastliðinn. Eftir tvo daga þurfti það frá að hverfa á ný vegna veðurs. Það hóf aftur dýpkun 30. mars þegar aldan datt niður og hefur náð að vinna óslitið síðan.

Fjarlægja þurfti 15. þúsund rúmmetra til að opna höfnina og tókst það laugardaginn 2. apríl. Þann dag hóf Herjólfur ohf. að sigla sjö ferðir á dag en fyrir þann tíma höfðu siglingar verið háðar sjávarföllum og farnar fjórar ferðir daglega.

Haldið verður áfram við dýpkun í höfninni næstu vikur en mánudaginn 4. apríl var búið að fjarlægja 22.300 rúmmetra. Fyrst um sinn verður lögð áhersla á dýpka hafnarmynnið í 8 metra. Næst verður innri höfnin hreinsuð  þannig að hún verði 5,5 metra djúp við lægstu sjávarstöðu. Fyrir framan garðana verður dýptin 7 metrar. Stefnt er á að ljúka við dýpkun í lok apríl eða byrjun maí.

Gert er ráð fyrir að þessi dýpkun muni duga fram í september en Vegagerðin fylgist þó áfram vel með dýpi í og við höfnina í sumar.

Dýpkun hafnarinnar verður boðin út að nýju í vor. Í útboðinu verður gerð krafa um að lágmarks afkastageta skipsins sem sinnir dýpkuninni verði 10 þúsund rúmmetrar á sólarhring í hafnarmynninu. Sú breyting verður nú gerð að boðin verður út dýpkun fyrir tímabilið september og fram í maí. Áður voru boðnar út dýpkanir frá september fram í nóvember, og síðan frá mars fram í maí enda gat Herjólfur III ekki nýtt höfnina að vetri til þar sem hann risti mun dýpra en núverandi skip.

Nýjustu fréttir

Íþróttir
ÍBV og FH skildu jöfn á Hásteinsvelli
Vinnslustöðin
Vinnslustöðin snýr vörn í sókn á krefjandi ári
Herjólfur
Bilun í Herjólfi veldur lengri siglingatíma
Stjórnmál
Spurt og svarað: Guðni Hjöll frá Miðflokknum
Íþróttir
ÍBV hefur leik í Bestu deildinni – tekur á móti FH á Hásteinsvelli
Fréttir
Flugvél frá Icelandair flaug óvenju lágt yfir Eyjum
Samgöngur
Lækkandi ölduhæð og Álfsnesið á leiðinni
Stjórnmál
Spurt og svarað: Erlingur frá Eyjalistanum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.