Á sunnudaginn nk., þann 5. október kl. 14:45 (dálítið undarlegur tími, hvers vegna ekki 14:47), mun ÍBV B taka á móti KA í Powerade bikarkeppninni í gamla salnum.

Í liði ÍBV B er valinn maður í hverju rúmi, margir hoknir af reynslu með stórt bikarsafn á bakinu. Má þar nefna Teddi, Sigurbergur, Grétar Þór, Fannar svo að nokkrir séu nefndir. Þá er ekki útséð með að enn eigi eftir að bætast við. Gabríel verður á sínum stað þannig að ekki er útilokað að einhver hraðaupphlaup dúkki upp hjá ÍBV. Þá verða þeir Björn Viðar og Hjörvar í markinu, samt ekki báðir í einu, sem væri betra.

Menn spyrja hvers vegna ekki Addi Pé. Það er vegna þess að hann er landsliðsþjálfari kvenna og margir í KA liðinu eru hálfgerðar kellingar og gæti þess vegna verið um hagsmunaárekstur að ræða.

Endilega allir að fjölmenna á leikinn, hvort sem þú ert A eða B týpa, það skiptir ekki máli þó þetta sé B liðið. Fyllum húsið og hvítu riddarnir mæta.

Stjórnin