Eyjamennirnir Andri Erlingsson og Arnór Viðarsson voru báðir í eldlínunni með félagsliðum sínum þegar sænska úrvalsdeildin í handbolta hófst í kvöld.

Andri lék með Kristianstad í 28-27 heimasigri á Hammarby í spennandi leik. Hann skoraði fjögur mörk úr sex skotum og gaf auk þess þrjár stoðsendingar.

Arnór og félagar hans í Karlskrona tóku á móti Allingsås á heimavelli. Leiknum lauk með 28-34 sigri gestanna. Arnór skoraði fjögur mörk úr tíu skotum fyrir Karlskrona og gaf að auki þrjár stoðsendingar.