- Eyjafréttir
- ·
- Fréttir
- ·
Árið 2016 gert upp :: Stiklað á stóru
�?að hefur verið hefð undanfarin ár að birta annál í upphafi hvers árs en að þessu sinni verður brugðið út af vananum og farið nýja leið í uppgjöri ársins. �?essi samantekt ársins 2016 inniheldur stutt sýnishorn úr einni frétt úr hverjum mánuði þar sem huglægt mat höfundar, á áhugaverðustu fréttum ársins, réð för.
Janúar:
Tekist á um ráðningu nýs slökkviliðsstjóra og eldvarnaeftirlitsmanns
Um síðustu áramót lét Ragnar �?ór Baldvinsson slökkviliðsstjóri af störfum sökum aldurs eftir 44 ára starf og við tók Friðrik Páll Arnfinnsson. Stefán �?rn Jónsson hélt áfram sem varaslökkviliðsstjóri. Flestir voru sammála um ágæti Friðriks Páls í stöðuna en ekki eru allir sáttir með hvernig staðið var að ráðningunni. Vefur Eyjafrétta logaði í kjölfarið af skrifum vegna þess.
Febrúar:
FabLab smiðjan hluti af FÍV
FabLab smiðjan sem starfað hefur í Vestmannaeyjum í átta ár fluttist í hús Framhaldsskólans og er orðin hluti af skólanum. �?orsteinn Ingi Sigfússon, forstjóri Nýsköpunarmiðstöðvar sagði að hér væri fullkomnasta og stærsta FabLab smiðja landsins og þótt víðar væri leitað en smiðjan er hluti Nýsköpunarmiðstöðvar Íslands. Einnig nýtti hann tækifærið til að þakka Helgu Kristínu Kolbeins, skólameistara Framhaldsskólans fyrir stuðninginn við verkefnið.
Mars:
Samruni Landsbanka og Sparisjóðs Vestmannaeyja – Mögulega var brotið gegn ýmsum reglum stjórnsýsluréttarins
Landsbankinn tók yfir rekstur á Sparisjóði Vestmannaeyja og þar með urðu Vestmannaeyjabær, Vinnslustöðin og Lífeyrissjóður Vestmannaeyja hluthafar í Landsbankanum. Vestmannaeyjabær og Vinnslustöðin voru ósátt við framgöngu ríkisstofnana sem komu að málinu og töldu að þær hefðu farið offari. Líka voru Eyjamenn ósáttir við of skamman fyrirvara til að reyna að bjarga Sparisjóðnum og töldu að verðmat á eignum sjóðsins hafi verið of lágt.
Apríl:
Heimagreiðslur, fleiri börn á Sóla og tómstundakort
Bærinn samdi við Hjallastefnuna um að taka allt að 15 börn til viðbótar inn á leikskólann Sóla. Ný leikskóladeild á að taka til starfa um áramótin. Með þessu var tekið skref í áttina að því að mæta kröfum foreldra ungra barna um fleiri leikskólapláss. Grunnskólanum verður að sama skapi tryggt fjármagn til að fylgja eftir framtíðarsýn í námi og tekin verða upp svokölluð frístundakort sem hefur verið eitt helsta baráttumál Eyjalistans.
Maí:
Strákarnir í þriðja flokki Íslandsmeistarar
ÍBV eignuðust Íslandsmeistara í 3. flokki karla í fyrsta skiptið en þessir sömu strákar unnu einnig fyrsta Íslandsmeistaratitil ÍBV í karlaflokki árið 2013. Í ár var liðið undir stjórn Svavars Vignissonar og tefldi það fram tveimur liðum, einu sem spilaði í 1. deild og öðru sem spilaði í 3. deild. Liðið sem var í 3. deild var einungis skipað leikmönnum fæddir 1999, á yngra ári flokksins.
Júní:
�?tboð á Vestmannaeyjaferju
Fyrir hönd Vegagerðarinnar óskað Ríkiskaup eftir tilboðum í smíði nýrrar Vestmannaeyjaferju. Annars vegar var óskað eftir tilboðum í smíði á ferju til fólks-, bíla- og vöruflutninga milli Vestmannaeyja og Landeyjahafnar. Hinsvegar var óskað eftir tilboðum í einkaframkvæmd. Gert er ráð fyrir að ný ferjan hefji siglingar síðla sumars 2018. Ferjan á að vera um 70 metra löng, 14 metra breið, geta flutt allt að 73 fólksbíla og allt að 540 farþega og vera með djúpristu um 2,8 metra.
Júlí:
Páley Borgþórsdóttir – �?jóðhátíð og umræðan um þöggun
Páley Borgþórsdóttir, lögreglustjóri stóð í ströngu í kringum þjóðhátíðina og var skotspónn sumra stærstu fjölmiðla landsins. Ástæðan var sú ákvörðun hennar að upplýsa ekki um kynferðisafbrot um leið og þau koma inn á borð lögreglu.
Ágúst:
Heimir Hallgrímsson og EM í Frakklandi
Heimir Hallgrímsson, þjálfari A-landsliðs karla og tannlæknir hefur verið mikið í sviðsljósinu síðustu ár sem náði hámarki þegar hann ásamt Lars Lagerbäck kom liðinu í átta liða úrslit á EM í Frakklandi síðasta sumar. Frábær árangur sem vakti heimsathygli og beindi athygli erlendra fjölmiðla að Íslandi og þar var Eyjamaðurinn Heimir frábær fulltrúi lands og þjóðar. Heimir lék með ÍBV upp alla flokka og þjálfaði fyrir félagið í 27 ár.
September:
Prófkjör Sjálfstæðisflokksins
Páll Magnússon varð fyrsti Eyjamaðurinn til að leiða lista Sjálfstæðisflokksins í Suðurkjördæmunum. Eftir kjördæmabreytinguna 1959 hafa Eyjamenn komist hæst í annað sætið í Suður- og Suðurlandskjördæmi. Páll var öruggur í fyrsta sæti með 1771 atkvæði eða 45,4%. Ásmundur Friðriksson hafnaði í öðru sæti en hann fékk 1928 atkvæði í fyrsta og annað sæti eða 49,4%.
Október:
Nýr prestur tók til starfa
Viðar Stefánsson tók til starfa sem prestur við Landakirkju en hann hefur ekki síst vakið athygli fólks fyrir ungan aldur en hann fagnaði 27 ára afmæli sínu þegar blaðamaður hitti hann í Safnaðarheimilinu mánudaginn 2. október og er þar með yngsti prestur �?jóðkirkjunnar.
Nóvember:
Kennarar GRV gengu úr kennslu í gær í mótmælaskyni
�?ann 9. nóvember fóru kennarar GRV með kröfu um bætt launamál til bæjarstjóra og u.þ.b. tveimur vikum seinna gengu þeir út úr kennslu og hittust á Bárustíg í mótmælaskyni. Í kröfu kennara til sveitafélaganna segir að nú sé ljóst að kennarar geti ekki lengur komið í veg fyrir að skólakerfið lendi í stórhættu. Nýir kennarar fást ekki til starfa, eldri kennarar heltast úr lestinni eða hverfa til annarra starfa.
Desember:
Verkfall sjómanna
Yfirstandandi verkfall undirmanna á fiskiskipum hófst 14. desember eftir að samningur sem skrifað var undir mánuði áður var felldur. Eftir fund Sjómannafélagsins Jötuns sagði �?orsteinn Ingi Guðmundsson formaður félagsins að þrjú atriði hafi staðið upp úr, nýsmíðaálagið, olíuviðmiðunin og sjómannaafslátturinn. Að auki vilja sjómenn fá meiri upplýsingar um verðmyndun og afurðaverð almennt en það hefur verið erfitt hingað til. Á meðan verkafallinu stendur liggur öll vinnsla í frystihúsum niðri og eru starfsmenn þeirra komnir á atvinnuleysisbætir eins og ákvæði í samningum heimila.
Nýjustu fréttir
Mest lesið
