�?að verður mikið um dýrðir á Suðurland FM á Gamlaársdag en þá fer í loftið Sunnlenskur annáll fyrir árið 2013 en þetta ku vera í 5. skiptið sem það er gert. Árið hefur verið viðburðaríkt og til að gera það upp mæta á svæðið fjölmiðlamenn landshlutans og sveitastjórnarmenn úr stærstu sveitafélögunum. Auk þeirra verða á svæðinu þingmenn Suðurkjördæmis, þau Sigurður Ingi Jóhannson, Unnur Brá Konráðsdóttir, Páll Valur Björnsson og Oddný G. Harðardóttir en má segja að kosningarnar til Alþingis þetta árið hafi verið sögulegar í meira lagi. Í lok þáttar verður svo, í samstarfi við Krónuna á Suðurlandi afhjúpaður Sunnlendingur ársins að mati hlustenda Suðurland FM. Suðurland FM er á bylgjulengdinni fm 96,3 á Suðurlandi, 93,3 í Vestmannaeyjum og nágrenni en einnig er hægt að hlusta á netinu á www.sudurlandfm.is Umsjónarmenn eru þeir Valdimar Bragason og Sigmundur Sigurgeirsson og hefst þátturinn kl. 12 Gamlársdag en verður endurfluttur kl. 13. á Nýársdag.