Sumardagurinn fyrsti er morgun og eins og mörg undanfarin ár er upplýst hver verður Bæjarlistarmaður Vestmannaeyja 2015 valinn. Fer athöfnin fram í Einarsstofu klukkan 11.00. �?að mun Skólalúðrasveitin flytja vel valin lög. Klukkan 13.00 til 15.00 er dagskrá í Safnahúsi, Bók Íslands, sagnaarfurinn í nútímanum. Erindi flytja Vésteinn �?lason (Eddukvæðin og hetjurnar), Einar Kárason (Að kljást við klassíkina) og Guðni Ágústsson (Ástríða til sagnaarfsins). Klukkan 20.00 verða tónleikar með Rúnari Kristni Rúnarssyni stórsöngvara. Undirleikari verður Steinunn Birna Ragnarsdóttir tónlistarstjóri Hörpunnar og nýr óperustjóri.

Vestmannaeyjabær býður bæjarbúum frítt í sundlaugina og frítt á öll söfn bæjarins í tilefni sumardagsins fyrsta. Opið í Sagnheimum og Sæheimum frá 13.00-16.00 og í Eldheimum frá 13.00-17.00. Opið er í sundlauginni frá 09.00-17.00. Vestmannaeyjabær óskar bæjarbúum gleðilegs sumars!

Ekki er minnst á skrúðgöngu en hún verður örugglega á sínum stað og stundu.