Samþykkt var á fundi bæjarstjórnar sl. fimmtudag að lækka gjaldskrár er snúa að barnafjölskyldum og viðkvæmum hópum, og að boðið verði upp á gjaldfrjálsar skólamáltíðir grunnskólabarna frá hausti. Lækkanir á gjaldskrám tekur að lækka frá og með 1. ágúst nk.

Bæjarráð hafði áður tekið fyrir á fundi þess 3. júlí sl. áskorun frá Sambandi íslenskra sveitarfélaga varðandi það að draga til baka gjaldskrárhækkanir umfram 3,5% annars vegar og hins vegar að sveitarfélög myndu bjóða upp á gjaldfrjálsar skólamáltíðir. Í framhaldi bárust frekar upplýsingar frá Sambandi íslenskra sveitarfélaga varðandi útfærslu og útreikning á kostnaði við gjaldfrjálsar skólamáltíðir.