Herjólfur siglir til Landeyjahafnar eina ferð seinnipartinn í dag. Brottför frá Vestmannaeyjum kl. 16:00 (Áður ferð kl. 17:00). Brottför frá Landeyjahöfn kl. 18:15.

Því miður passar ekki áætlunarferð Strætó við ferð seinnipartinn í dag, segir í tilkynningu frá Herjólfi ohf. þar sem einnig er hnykkt á að þetta séu einu ferðir kvöldsins.

Hvað varðar siglingar fyrir morgundaginn verður gefin út tilkynning kl. 06:00 í fyrramálið.

Á þessum árstíma er alltaf hætta á færslu milli hafna og því ekki æskilegt að skilja eftir farartæki í annarri hvorri höfninni.