Karl Gauti Hjaltason, þingmaður Miðflokksins, hefur lagt fram fyrirspurn til dómsmálaráðherra um stöðu eldsneytisbirgða fyrir flugflota Landhelgisgæslunnar utan höfuðborgarsvæðisins.

Eyjafréttir fjölluðu í gær um eldsneytisvanda í Vestmannaeyjum, þar sem eldsneyti fyrir þyrlur hefur verið útrunnið og óhæft til notkunar frá því í janúar.

Í fyrirspurninni óskar Karl Gauti eftir svörum við eftirfarandi atriðum:

1. Hvernig er núverandi staða á eldsneytisbirgðum fyrir flugflota Landhelgisgæslunnar utan höfuðborgarsvæðisins?
2. Á hvaða stöðum, utan Reykjavíkur, geta þyrlur Landhelgisgæslunnar nálgast eldsneyti?
3. Telur ráðherra að þeir staðir séu nægilega margir og dreifðir um landið svo fyllsta öryggis sé gætt?
4. Hvernig og hversu fljótt er brugðist við ef eldsneyti rennur út eða klárast á viðkomandi stöðum?

Með fyrirspurninni er leitast við að varpa frekara ljósi á hvort tryggt sé aðgengi að eldsneyti fyrir þyrlur Landhelgisgæslunnar um land allt og hvort núverandi fyrirkomulag tryggi nægilegt öryggi í leitar- og björgunarstörfum. Sjá má hlekk á fyrri umfjöllun Eyjafrétta um málið hér að neðan.

Eldsneytisvandi í Eyjum

Eldsneyti fyrir þyrlur Landhelgisgæslu Íslands í Vestmannaeyjum hefur verið óhæft til notkunar frá því í lok janúar, sem getur haft áhrif á viðbragðsgetu í leitar- og björgunaraðgerðum á svæðinu. Unnið er að lausn málsins, að sögn Ásgeirs Erlendssonar samskiptastjóra gæslunnar. Í samtali við Eyjafréttir staðfestir Ásgeir Erlendsson að eldsneytið sem er á tanki á Vestmannaeyjaflugvelli […]