Eyjamaðurinn Elmar Erlingsson átti frábæran leik fyrir Nordhorn-Lingen í 33-29 sigri á Ludwigshafen á útivelli í þýsku B-deildinni í handbolta í gærkvöldi.

Elmar skoraði þrjú mörk í leiknum og lagði upp önnur tíu, en Nordhorn-Lingen sneri leiknum sér í hag í síðari hálfleik.

Heimamenn í Ludwigshafen leiddu með fjórum mörkum í hálfleik, 18-14, en gestirnir komu sterkir til leiks eftir hlé og unnu að lokum öruggan 33-29 sigur.

Nordhorn-Lingen situr í 6. sæti þýsku B-deildarinnar með sjö stig, en Ludwigshafen er í 15. sæti með tvö stig. Vegna fjárhagsvandræða Nordhorn-Lingen verða sex stig dregin af liðinu í lok tímabilsins.