Kvennalið ÍBV laut í lægra haldi, 2-1, gegn Þór/KA í 12. umferð Bestu deildar kvenna, á Akureyri í dag. 

Þór/KA náði forystunni í leiknum strax á 7. mínútu leiksins með marki frá Erin Flurey. Allison Patricia Clark fékk dauðafæri til að jafna fyrir ÍBV eftir tæpan hálftíma þegar hún slapp ein í gegn á móti Alessandra Augur, markverði Þór/KA, en lét verja frá sér. Þór/KA með 1-0 forystu í hálfleik. 

Þór/KA komust í 2-0 strax á upphafsmínútum síðari hálfleiks með marki frá Bríeti Jóhannsdóttur. Eyjakonur náðu að minnka muninn tíu mínútum síðar þegar Avery Mae Vanderven skallaði hornspyrnu Þóru Bjargar Stefánsdóttir í netið. Þóra Björg komst næst því að jafna fyrir ÍBV þegar tíu mínútur voru til leiksloka þegar hún skallaði boltann rétt fram hjá. Nær komust Eyjakonur ekki og 2-1 tap á útivelli því niðurstaðan.

ÍBV er áfram í fjórða sæti deildarinnar með 20 stig. Þór/KA kom sér úr fallsæti og sitja í sjöunda sæti með 12 stig.

12. umferð Bestu deildar kvenna:

Fram 2 – 1 Víkingur R.

Þór/KA 2 – 1 ÍBV

Mánudagur

19:15 Grindavík/Njarðvík – Þróttur R.

Þriðjudagur

19:15 Valur – Breiðablik

19:15 FH – Stjarnan