- Eyjafréttir
- ·
- Fréttir
- ·
Eyjamenn bikarmeistarar karla árið 2015
Eyjamenn tryggðu sér í kvöld bikarmeistaratitil karla í handbolta. Strákarnir sigruðu FH-inga með einu marki 23:22. Kolbeinn Aron Arnarsson var stórkostlegur í markinu og tók hann boltana sem skiptu máli.
Enn og aftur eru stuðningsmenn Eyjamanna að toppa sig, þeir virðast setja ný viðmið fyrir hvern leik. Vörn Eyjamanna var ótrúleg í dag og alls ekki síðri en í gær. FH-ingar vissu ekki hvaðan á sig stóð veðrið um miðbik leiksins þegar stemningin var upp á sitt besta.
FH-ingar byrjuðu leikinn betur en þeir skoruðu fyrsta mark leiksins og komust í 1:3. �?á sýndu Eyjamenn sínar bestu hliðar og skoruðu tvö mörk í röð. Aftur tóku FH-ingar tögl og haldir í leiknum, þeir skoruðu mikilvæg mörk og virtust stoppa stórskyttur ÍBV.
Strákarnir okkar voru fjórum mörkum undir þegar fimm mínútur voru eftir af fyrri hálfleik. Stúkan tók við sér á ný og small allt í leik strákanna. Tvær dýrar brottvísanir settu strik í reikninginn hjá FH-ingum en þá gengu Eyjamenn á lagið. Staðan var orðin jöfn í hálfleik 11:11.
Eyjamenn hófu leik í síðari hálfleik tveimur leikmönnum fleiri og tóku forystuna í fyrsta skiptið síðan í stöðunni 4:3. Kolbeinn Aron Arnarsson var að hrökkva í gang og varði meðal annars vítakast í upphafi síðari hálfleiks. ÍBV komst tveimur mörkum yfir, síðan varð munurinn þrjú mörk og loks fimm. �?að var hreint út sagt ótrúleg stemning í Laugardalshöllinni.
Í stöðunni 21:16 héldu flestir að leikurinn væri unninn. FH-ingar minnkuðu muninn snemma í þrjú mörk en þá tok Gunnar Magnússon leikhlé. Leikhléið virkaði mjög vel og komust strákarnir í góð færi sem þeir nýttu. Enn ein vítavarslan hjá Kolbeini leit dagsins ljós og virtist sigurinn í höfn.
FH-ingar minnkuðu loks muninn í eitt mark þegar rúm mínúta var eftir, þá voru FH-ingar með boltann og gátu jafnað leikinn. Allt kom fyrir ekki og Eyjamenn því bikarmeistarar í fyrsta sinn frá árinu 1991. �?að ætlaði allt um koll að keyra í Laugardalshöll og ótrúlegur sigur Eyjamanna staðreynd.
Mörk ÍBV: Agnar Smári Jónsson 4, Andri Heimir Friðriksson 4, Einar Sverrisson 4, Theodór Sigurbjörnsson 4, Grétar �?ór Eyþórsson 3, Guðni Ingvarsson 3, Magnús Stefánsson 1.
Kolbeinn Aron Arnarsson varði nítján skot í marki ÍBV og þar af þrjú vítaköst.
