Einar Andri Einarsson og Halldór Jóhann Sigfússon, landsliðsþjálfarar U-21 karla hjá HSÍ, hafa valið lokahóp sinn fyrir komandi Heimsmeistaramót sem fram fer í Póllandi 18.-29. júní nk. Þjálfararnir völdu m.a. fjóra úr leikmannahópi ÍBV í verkefnið. Það eru þeir Elís Þór Aðalsteinsson, Elmar Erlingsson, Hinrik Hugi Heiðarsson og Ívar Bessi Viðarsson.

Þeir verða í 16 manna hópnum sem fer til Pólands í júní. Þetta kemur fram í frétt á vefsíðu ÍBV þar sem þeim er óskað innilega til hamingju með valið og þeim óskað góðs gengis á mótinu.