Fjórtán hlutu alls ellefu milljón krónu styrk
Frá afhendu styrkja "Viltu hafa áhrif?" 2020.

Alls hlutu 14 verkefni styrk frá Vestmannaeyjabæ í verkefninu Viltu hafa áhrif?, samtals fyrir rúmar 11 milljónir.

Fimleikafélagið Rán hlaut stærsta styrkinn í ár eða 3,5 milljónir króna til kaupa á nýrri fíberdýnu. Stofnun rafíþrótta deildar hlaut styrk sem og Vestmannaeyjar á Google kortið.
Þau verkefni sem hlutu styrki í ár eru:

  • Myndavél nærri varpi undir Skiphellum, hægt að fylgjast með í beinni útsendingu: 350.000 kr. – Hörður Baldvinsson fyrir hönd áhugahóps um fuglaskoðun
  • Styrkur vegna heimildarmyndar um Þrettándan: 750.000 kr. – SIGVA media
  • Styrkur vegna heimildarmyndarinnar Eldhuga: 750.000 kr. – Gísli Pálsson og Valdimar Leifsson
  • Styrkur til “Food and Beer Festival 2020”: 250.000 kr. – Kjartan Vídó fyrir hönd The Brothers Brewery
  • Fimleikafélagið Rán – Styrkur vegna kaupa á fíberdýnu: 3.500.000 kr. – Elísa Kristmannsdóttir fyrir hönd Fimleikafélagsins Ránar
  • Viðhald og viðgerðir á veggjum á lóðarmörkum Landakirkju: 1.000.000 kr. – Andrea Atladóttir fyrir hönd Sóknarnefndar Landakirkju
  • Lista og menningarfélag Vestmannaeyja – Opin vinnustofa: 500.000 kr. – Laufey Konný Guðjónsdóttir fyrir hönd Lista og menningarfélags Vestmannaeyja
  • Bók um matargerð og hráefni í náttúru Vestmannaeyja: 750.000 kr. – Gísli Matthías Auðunsson
  • Stofnun rafíþróttadeildar Vestmannaeyja: 500.000 kr.  – Jón Þór Guðjónsson fyrir hönd áhugahóps um stofnun Rafíþróttadeildar
  • Myndataka og kortlagning vegakerfis í Vestmannaeyjum: 500.000 kr. – Davíð Guðmundsson
  • Fólkið í Dalnum – styrkur vegna fjármögnunar og frágangs: 300.000 kr. – Sighvatur Jónsson og Skapti Örn Ólafsson
  • Sögur frá Vestmannaeyjum: 500.000 kr. – Ragnheiður Jónsdóttir
  • Lundi.is – Vefsíða vegna pysjueftirlits: 1.000.000 kr. – Gígja Óskarsdóttir fyrir hönd ÞSV
  • Fjölskyldutónleikar – ÍBV : 500.000 kr. – Daníel Geir Moritz fyrir hönd Knattspyrnuráðs karla ÍBV

Það var Njáll Ragnarsson sem tilkynnti um styrkþegana við viðhöfn í Djúpinu, salnum í Náttúrugripasafninu við Heiðarveg í hádeginu í dag. Þar sem samningar um styrkina voru einnig undirritaðir.

Áður en tilkynnt var um styrkina söng Barnakór Landakirkju nokkur jólalög og Íris Róbertsdóttir hélt ræðu.

Verkefnið Viltu hafa áhrif? hefur verið í gangi í tengslum við undirbúning fjárhagsáætlunar undanfarin ár.  Í ár bárust yfir 40 ábendingar, tillögur og umsóknir um styrki.

Þetta hefur verið gert í nokkur ár með góðum árangri og markmiðið er að stuðla að auknu íbúalýðræði í Vestmannaeyjum með því að gefa fólki, fyrirtækjum og félagasamtökum tækifæri á að hafa áhrif á fjárhagsáætlun næsta árs.

Fjölmargar góðar ábendingar hafa borist í gegnum tíðina. Má þar m.a. nefna styrki til fjölda sýninga, menningartengda bókaútgáfu, kaup á köldum potti á sundlaugarsvæðinu, leiktæki á opnum svæðum og göngustíga.

„Tillögurnar sem bárust núna eru ekki síður athyglisverðar. Það er gaman og nauðsynlegt fyrir okkur sem falin er stjórn bæjarins að fá hugmyndir um verkefni beint frá bæjarbúum. Það er allra hagur og betur sjá augu en auga,“ segir Íris Róbertsdóttir, bæjarstjóri.
Ein af þeim ábendingum sem fram komu í ár er t.a.m. vatnspóstur/krani við sprönguna þar sem hægt er að fá sér vatn að drekka og þvo sér um hendurnar að loknu sprangi. „Frábær hugmynd, sem send var af ungum íbúa í Eyjum, sem við höfum þegar komið í farveg,“ sagði Íris.

Myndband frá afhendingunni má sjá í spilaranum hér að ofan sem og myndir hér að neðan.

Nýjustu fréttir

Aðsend grein
Mikilvægasta skipið
Fréttir
Tilnefnt í faghóp vegna nýs leikskóla í Löngulág
Samgöngur
Ábending frá Herjólfi
Fréttir
Appelsínugular viðvaranir gefnar út
Áhugavert
Brýn þörf á úrbótum í Landeyjahöfn – tillögur væntanlegar í vor
Íþróttir
Díana Dögg og Andrea deildarmeistarar í Þýskalandi
Mannlíf
Gleði og góð mæting á páskaeggjaleitinni – myndir
Fréttir
Viðvörun fyrir allt landið á annan í páskum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.