Foreign Monkeys verða með dúndrandi tónleika uppi á vigtarhúsinu við hið nýja og glæsilega Vigtartorg nk. laugardag, 2. júní kl. 16:00. Tónleikarnir eru liður í dagskrá sjómannahelgarinnar. Foreign Monkeys eru á mikilli siglingu þessa dagana en nýjasta lag þeirra Zoology er í spilun á X-inu 977 og situr nú þegar þetta er ritað í 11. sæti Pepsi Max listans og er einungis á uppleið. Eftir helgina stefnir hljómsveitin á að taka upp sitt fyrsta tónlistarmyndband við lagið og mun Haraldur Ari Karlsson sjá um myndatöku og leikstjórn.