Fjölmenni var í Herjólfsdal í gærkvöldi þegar fyrsta kvöldvaka Þjóðhátíðar fór fram í góðri stemningu.

Mucky Muck, Daniil og Hipsumhaps stigu á svið og héldu uppi fjörinu áður en kom að frumflutningi þjóðhátíðarlagsins í ár. Birgitta Haukdal og Herra Hnetusmjör fluttu lagið við góðar undirtektir hátíðargesta.

Hápunktur kvöldsins var síðan þegar kveikt var í brennunni á Fjósakletti klukkan 23. Logarnir lýstu upp Herjólfsdal og sköpuðu þá einstöku stemningu sem fylgir föstudagskvöldinu á Þjóðhátíð.

Óskar Pétur Friðriksson, ljósmyndari Eyjafrétta, var á ferðinni með myndavélina og fangaði stemninguna í Dalnum. Hér má sjá myndasyrpu hans frá föstudagskvöldinu. Hægt er að smella á myndirnar til að opna þær í fullri upplausn.