Árshátíð Vinnslustöðvarinnar var haldin með pompi og prakt um helgina. Í frétt á vefsíðu VSV segir að hátíðin hafi hafist með fordrykk á Háaloftinu þar sem gestir nutu samvista áður en hátíðin var formlega sett í Höllinni.

„Veislustjórar kvöldsins voru hinir óviðjafnanlegu Sveppi og Pétur Jóhann. Þeir leiddu gesti í gegnum kvöldið með léttu spjalli, húmor og sprelli, eins og þeim einum er lagið. Á milli rétta nutu hátíðargestir tónlistar og skemmtiatriða á heimsmælikvarða. Matarveislan stóð langt fram á kvöld þar sem meistarakokkurinn ​Einsi Kaldi töfraði fram glæsilega forrétti, steikarhlaðborð og eftirréttaplatta, sem hlaut mikið lof. Að lokinni formlegri dagskrá opnuðust dyr Hallarinnar fyrir almenning, og hófst þá dansleikur sem stóð fram á nótt. Húsið fylltist af gleði, söng og fjöri þar sem starfsfólk og gestir dönsuðu inn í nóttina.”

Myndasyrpu frá árshátíðinni má sjá hér.