Fjórir leikir fóru fram í Lengjudeild kvenna í kvöld. Í Eyjum tók ÍBV á móti Fram. Liðin voru jöfn að stigum fyrir leikinn.

Fram skoraði fyrsta mark leiksins á 29. mínútu með marki frá Emmu Björt Arnarsdóttur. Í upphafi síðari hálfleiks jafnaði Ágústa María Valtýsdóttir metin, en á 66. mínútu skoraði Birna Kristín Eiríksdóttir annað mark Fram og þar við sat. Lokatölur á Hásteinsvelli 1-2.

Með sigrinum fór Fram upp í 2. sæti deildarinnar með 25 stig, en ÍBV er um miðja deild með 22 stig.